ബോളിവുഡ് നടി രാഖി സാവന്തിന്റെ മുൻ ഭർത്താവ് ആദിൽ ഖാൻ ദുറാനി വീണ്ടും വിവാഹിതനായെന്ന് റിപ്പോർട്ട്. ബോളിവുഡ് ബിഗ് ബോസ് സീസൺ 12ലെ മത്സരാർത്ഥിയായിരുന്ന സോമി ഖാനാണ് വധുവെന്നാണ് റിപ്പോർട്ടുകൾ. എന്നാൽ ഇക്കാര്യം ഇരുവരും ഔദ്യോഗികമായി സ്ഥിരീകരിച്ചിട്ടില്ല.
ഇ-ടൈംസാണ് ഇക്കാര്യം റിപ്പോർട്ട് ചെയ്തിരിക്കുന്നത്. ജയ്പൂരിലാണ് ഇരുവരും വിവാഹിതരായതെന്നും ഇത് പുറത്തുവിടാൻ തയ്യാറായിട്ടില്ലെന്നുമാണ് റിപ്പോർട്ട്.അതേസമയം സോമി ഖാനും സഹോദരി സബാ ഖാനും ബിഗ്ബോസ് 12 സീസണിൽ ഒരുമിച്ച് പങ്കെടുത്തിരുന്നു. മാർച്ച് 2നായിരുന്നു വിവാഹമെന്നാണ് സൂചന. രഹസ്യമായ ചടങ്ങ് പെട്ടെന്നാണ് നടത്തിയതെന്നാണ് വിവരം.
നേരത്തെ ആദിൽ ഖാനുമായി രഹസ്യമായി വിവാഹം കഴിച്ച് മതം മാറിയ രാഖി സാവന്ത് പിന്നീട് ഭർത്താവ് തന്നെ സാമ്പത്തികമായും അല്ലാതെയും വഞ്ചിച്ചെന്നും കാട്ടി രംഗത്തുവന്നിരുന്നു. പിന്നാലെ ഭർത്താവിനെതിരെ പീഡന പരാതിയും നൽകി. ആദിലിനെ പോലീസ് അറസ്റ്റ് ചെയ്ത് ജയിലിലാക്കിയിരുന്നു. ഈ കേസ് പുരോഗമിക്കുകയാണ്.
