ന്യൂഡൽഹി: ഭാരത് മണ്ഡപത്തിൽ ചരിത്രം കുറിച്ച് പ്രധാനമന്ത്രി നരേന്ദ്രമോദി. സോഷ്യൽമീഡിയയിലൂടെ മികച്ച ഉള്ളടക്കം സൃഷ്ടിച്ച് സമൂഹത്തിലെ വിവിധ വിഭാഗങ്ങളിലുള്ളവരെ പ്രചോദിപ്പിക്കുന്നവർക്ക് ദേശീയ അംഗീകാരം നൽകുന്ന ചടങ്ങിനായിരുന്നു ഇന്ന് ഭാരത് മണ്ഡപം സാക്ഷിയായത്. നാഷണൽ ക്രിയേറ്റേഴ്സ് അവാർഡ് 2024ൽ 20 കാറ്റഗറിലായി പുരസ്കാരങ്ങൾ വിതരണം ചെയ്തു. ലോക പ്രേക്ഷകരെ ആകർഷിക്കുന്ന ഉള്ളടക്കങ്ങൾ തയ്യാറാക്കാൻ ഡിജിറ്റൽ ക്രിയേറ്റേഴ്സിന് സാധിക്കട്ടെയെന്ന് പ്രധാനമന്ത്രി ആശംസിച്ചു.
National Creators Awards honour the creativity and innovative spirit of our youth. It acknowledges their unparalleled contributions across diverse fields, celebrating young minds who dare to think differently and pave new paths. I congratulate all the awardees! pic.twitter.com/4LCDDGT9rv
— Narendra Modi (@narendramodi) March 8, 2024
‘ക്രിയേറ്റ് ഓൺ ഇന്ത്യ’ എന്ന ഉള്ളടക്കത്തിൽ നിന്ന് നമുക്ക് ഒന്നിച്ച് തുടങ്ങാം. ഭാരതത്തിന്റെ കഥ ലോകത്തെ അറിയിക്കാം. ഇന്ത്യയെക്കുറിച്ച് ഉള്ളടക്കം തയ്യാറാക്കി നമുക്ക് ലോകത്തിന് മുന്നിൽ അവതരിപ്പിക്കാം. നിങ്ങൾക്ക് ലൈക്സ് (likes) കിട്ടുന്നതിനൊപ്പം നിങ്ങളുടെ രാജ്യത്തിനോടും ലോകപ്രേക്ഷകർക്ക് ഇഷ്ടം തോന്നാൻ അത് സഹായിക്കും. ഗ്ലോബൽ ഓഡിയൻസിനെ കൈകാര്യം ചെയ്യാൻ നിങ്ങൾ പ്രാപ്തരാകട്ടെ.. ഇതിലൂടെ നിങ്ങളോരോരുത്തരും ഇന്ത്യയുടെ ഡിജിറ്റൽ അംബാസിഡർമാരാവുകയാണ്. സെക്കൻഡിലൊരംശം സമയം മാത്രം മതി, ലോകത്തിന്റെ ഏതുകോണിലേക്കും നിങ്ങളുടെ ഉള്ളടക്കം എത്തിപ്പെടും.
ഡാറ്റാ വിപ്ലവം മുതൽ കുറഞ്ഞ വിലയ്ക്ക് മൊബൈൽ ഫോണുകൾ വരെ സംഭവിച്ചു. അതോടെ പുതിയ ലോകമാണ് കണ്ടന്റ് ക്രിയേറ്റേഴ്സിനായി അവിടെ രചിക്കപ്പെട്ടത്. ഭാരതത്തിന്റെ യുവാക്കൾക്ക് അർഹതപ്പെട്ടതാണ് ഈ പുരസ്കാരം. ഭാരത്തിലെ ഓരോ ഡിജിറ്റൽ ക്രിയേറ്റർമാർക്കും ലഭിച്ച അംഗീകാരമാണിത്.
മാനസികാരോഗ്യത്തിന്റെ പ്രാധാന്യം വളരെ പ്രധാനപ്പെട്ടതാണ്. എന്റെ രാജ്യത്തിന്റെ കഴിവിൽ എനിക്ക് പരിപൂർണ്ണ വിശ്വാസമുണ്ട്. ഇവിടുത്ത പൗരന്മാരുടെ സെൻസിറ്റിവിറ്റിയെയും ഞാൻ അഭിനന്ദിക്കുന്നു. മാനസികാരോഗ്യം സംബന്ധിച്ച് നിരവധി ക്രിയേറ്റർമാർ വളരെ നല്ല ഉള്ളടക്കങ്ങൾ സൃഷ്ടിക്കുന്നുണ്ട്. ഇതേ വിഷയത്തിൽ കൂടുതൽ ഡിജിറ്റൽ കണ്ടന്റുകൾ ആവശ്യമാണ്. കഴിയുമെങ്കിൽ ഓരോ പ്രാദേശിക ഭാഷകളിലും അതുണ്ടാകണം. അതിനുവേണ്ടി നിങ്ങളോരോരുത്തരും പരിശ്രമിക്കണം.
രാജ്യത്തെയാകെ വലിയ രീതിയിൽ സ്വാധീനിക്കാൻ കെൽപ്പുള്ളവയാണ് നിങ്ങൾ തയ്യാറാക്കുന്ന ഓരോ ഉള്ളടക്കങ്ങളും. നിങ്ങൾ ഓരോരുത്തരും ഇന്റർനെറ്റിന്റെ MVPകളാണ്. അതായത് Most Valuable Person. കണ്ടന്റും ക്രിയേറ്റിവിറ്റിയും ഒത്തുചേരുമ്പോൾ അത് കൂടുതൽ പേരിലേക്ക് എത്തുന്നു. ഏതാനും നാളുകൾക്കുള്ളിൽ ലോക്സഭാ തിരഞ്ഞെടുപ്പ് നടക്കാൻ പോവുകയാണ്. നാഷണൽ ക്രിയേറ്റേഴ്സ് അവാർഡ് അടുത്ത വർഷം ശിവരാത്രി ദിനത്തിലും നടക്കുമെന്ന ഗ്യാരന്റി ഞാൻ നിങ്ങൾക്ക് നൽകുന്നു.- പ്രധാനമന്ത്രി പറഞ്ഞു.