ടാറ്റ മോട്ടോഴ്‌സിന്റെ ആദ്യ വനിതാ എഞ്ചിനീയർ ; ഒറ്റമുറി വീട്ടിൽ നിന്ന് ലോകം മുഴുവൻ ഇൻഫോസിസ് പടുത്തുയർത്തിയ നാരീശക്തിയായി സുധാ മൂർത്തി

‘ രാജ്യസഭയിലെ നാരീശക്തിയുടെ ശക്തമായ സന്ദേശം ‘ എഴുത്തുകാരിയും സാമൂഹിക പ്രവർത്തകയുമായ സുധാ മൂർത്തിയെ രാജ്യസഭയിലേക്കു നാമനിർദേശം ചെയ്ത് പ്രധാനമന്ത്രി പറഞ്ഞ വാക്കുകളാണിവ .

രാജ്യത്തെ രണ്ടാമത്തെ വലിയ ഐടി കമ്പനിയായ ഇൻഫോസിസ് കെട്ടിപ്പടുക്കുന്നതിൽ തന്റേതായ സംഭാവന നൽകിയ സുധാ മൂർത്തിക്ക് പ്രത്യേകിച്ച് ഒരു ഐഡൻ്റിറ്റിയും ആവശ്യമില്ല. ഇൻഫോസിസ് സഹസ്ഥാപകനായ എൻ.ആർ.നാരായണ മൂർത്തി തന്റെ ഭാര്യ സുധാ മൂർത്തിയിൽ നിന്ന് 10,000 രൂപ കടമെടുത്താണ് ഈ കമ്പനി തുടങ്ങുന്നത് . ഇപ്പോഴിതാ ബിസിനസ് മേഖലയിൽ നിന്ന് രാഷ്‌ട്രീയ ലോകത്തേക്ക് കടക്കുകയാണ് സുധാ മൂർത്തി.

സുധാ മൂർത്തിയുടെ ഭർത്താവ് എൻ.ആർ. നാരായണ മൂർത്തി തന്റെ ആറ് സഹപ്രവർത്തകർക്കൊപ്പം 1981 ൽ ഇൻഫോസിസ് കമ്പനി സ്ഥാപിച്ചു. ഇൻഫോസിസിന്റെ തുടക്കത്തെക്കുറിച്ചും ഈ ഘട്ടത്തിൽ എത്തിയതിൽ ഭാര്യ സുധാ മൂർത്തിയുടെ സംഭാവനയെക്കുറിച്ചും നാരായണമൂർത്തി തന്നെ പല അവസരങ്ങളിലും പറഞ്ഞിട്ടുണ്ട്. ഒരു കമ്പനി തുടങ്ങാൻ പദ്ധതിയിട്ടിരുന്നപ്പോൾ. അന്ന് നാരായണമൂർത്തി ഭാര്യ സുധാ മൂർത്തിക്കൊപ്പം ഒറ്റമുറി വീട്ടിലാണ് താമസിച്ചിരുന്നത്.

കമ്പനിയുടെ പേര് ഇൻഫോസിസ് എന്ന് തീരുമാനിച്ചിരുന്നെങ്കിലും അത് തുടങ്ങാൻ പണത്തിന്റെ കുറവുണ്ടായിരുന്നു. സഹസ്ഥാപകർക്കിടയിൽ, നാരായൺ മൂർത്തി തന്റെ വിഹിതം നൽകാൻ ഭാര്യയിൽ നിന്ന് 10,000 രൂപ കടം വാങ്ങിയിരുന്നു. ഈ പണം ഉപയോഗിച്ച് പൂനെയിലെ ഒരു അപ്പാർട്ട്‌മെൻ്റിൽ നിന്നാണ് കമ്പനി തുടങ്ങിയത്. പിന്നീട് 1983-ൽ കമ്പനിയുടെ ആസ്ഥാനം പൂനെയിൽ നിന്ന് ബാംഗ്ലൂരിലേക്ക് മാറ്റി.

ഇന്ന് ഇത് ഇന്ത്യയിലെ ഏറ്റവും മൂല്യവത്തായ 10 കമ്പനികളിൽ ഉൾപ്പെടുത്തിയിട്ടുണ്ട് . ടാറ്റ ഗ്രൂപ്പിന്റെ TCS കഴിഞ്ഞാൽ രണ്ടാമത്തെ വലിയ ടെക് കമ്പനിയാണിത് . 6,69,920.64 കോടി രൂപയാണ് ഇൻഫോസിസിന്റെ മാർക്കറ്റ് ക്യാപ് (എംസിപിഎ), അമേരിക്ക, ഇംഗ്ലണ്ട് എന്നിവയുൾപ്പെടെ ലോകത്തിലെ പല രാജ്യങ്ങളിലും ഇതിന് ബിസിനസ്സ് ഉണ്ട്.

1999-ൽ, യുഎസ് സ്റ്റോക്ക് മാർക്കറ്റ് നാസ്ഡാക്കിൽ ലിസ്റ്റ് ചെയ്യപ്പെട്ട ആദ്യത്തെ ഇന്ത്യൻ കമ്പനിയായി ഇൻഫോസിസ് മാറി. ഇന്ന് 3 ലക്ഷത്തിലധികം തൊഴിലാളികൾ ഈ കമ്പനിയിൽ ജോലി ചെയ്യുന്നു. 1950 ഓഗസ്റ്റ് 19 നാണ് സുധാ മൂർത്തി ജനിച്ചത്. ഇലക്ട്രിക്കൽ എഞ്ചിനീയറിംഗിൽ ബിരുദം നേടിയിട്ടുണ്ട്. അന്ന് എഞ്ചിനീയറിംഗ് കോളേജിൽ 150 വിദ്യാർത്ഥികളിൽ പ്രവേശനം നേടുന്ന ആദ്യ വനിതയാണ് സുധാ മൂർത്തി, പഠനത്തിന് ശേഷം ടാറ്റ മോട്ടോഴ്‌സിന്റെ ആദ്യ വനിതാ എഞ്ചിനീയർ കൂടിയായിരുന്നു അവർ.

സുധാ മൂർത്തിയുടെ രചനകൾ മിക്കവാറും എല്ലാ ഇന്ത്യൻ ഭാഷകളിലേക്കും തർജമ ചെയ്യപ്പെട്ടിട്ടുണ്ട്. 2006ൽ രാജ്യം പത്മശ്രീയും 2023ൽ പത്മവിഭൂഷണും നൽകി ആദരിച്ചിട്ടുണ്ട്. സാഹിത്യരംഗത്തെ സംഭാവനയ്‌ക്ക് ആർ.കെ.നാരായണൻ പുരസ്കാരവും ലഭിച്ചിട്ടുണ്ട്.