ന്യൂഡൽഹി: കടൽക്കൊള്ളക്കാരുടെ പേടി സ്വപ്നമാണ് ഭാരതീയ നാവികസേന . അറബിക്കടലിലും ഏദൻ ഉൾക്കടലിലും വിന്യസിച്ചിരിക്കുന്ന നാവികസേന കപ്പലുകളാണ് ആഭ്യന്തര- അന്തർദേശീയ ചരക്ക് കപ്പലുകളുടെ കരുത്ത്. തങ്ങൾക്ക് സുരക്ഷയൊരുക്കുന്ന, ചരക്ക് നീക്കം സുഗമമാക്കുന്ന ഭാരതീയ നേവിയുടെ കപ്പലുകൾക്ക് ഒരു വിദേശ വ്യാപാര കപ്പലിന്റെ ജീവനക്കാർ നന്ദി അറിയിക്കുന്ന വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത്.
#WATCH | Indian Navy warships mission deployed in the Arabian Sea and Gulf of Aden are escorting both Indian and international merchant vessels there. A merchant vessel’s crew welcomed an Indian Navy warship there by shouting slogans of Bharat Mata ki Jai and thanked the Indian… pic.twitter.com/F4ajrN3bCU
— ANI (@ANI) March 8, 2024
“>
അന്താരാഷ്‌ട്ര ചരക്കുകപ്പലിലെ ജീവനക്കാർ ‘ഭാരത് മാതാ കീ ജയ്’ എന്ന മുദ്രാവാക്യം വിളിച്ചു കൊണ്ടാണ് നാവിക സേനയുടെ കപ്പലിനെ വരവേൽക്കുന്നത്. ഇന്ത്യൻ നാവികസേനയുടെ യുദ്ധക്കപ്പൽ തങ്ങൾക്കൊപ്പം സഞ്ചരിക്കുന്നത് കണ്ട് കച്ചവടക്കപ്പലിലെ ജീവനക്കാർ കൈവീശി ആഹ്ലാദിക്കുന്നത് വീഡിയോയിൽ കാണാം.
സൊമാലിയൻ കടൽക്കൊള്ളക്കാരിൽ നിന്നും ഹൂതി ആക്രമണത്തിൽ നിന്നും ചരക്കുകപ്പലുകളെ സയമബന്ധിതമായി രക്ഷിക്കാൻ നാവികസേനയ്‌ക്ക് കഴിയുന്നുണ്ട്.
കഴിഞ്ഞ ദിവസം ഏദൻ ഉൾക്കടലിൽ നടന്ന ഹൂതി മിസൈൽ ആക്രമണത്തിൽ തീപിടിച്ച ട്രൂ കോൺഫിഡൻസ് എന്ന ചരക്കു കപ്പലിലെ ഇന്ത്യക്കാരനടക്കം 20 ജീവനക്കാരെ നാവികസേനയുടെ യുദ്ധക്കപ്പലായ ഐഎൻഎസ് കൊൽക്കത്ത രക്ഷിച്ചിരുന്നു. തിങ്കളാഴ്ച ഹൂതി മിസൈൽ പതിച്ച എം.എസ്.സി സ്‌കൈ – 2 എന്ന കപ്പലും ഇന്ത്യൻ നേവി രക്ഷിച്ചിരുന്നു.
