പുതിയ തിരഞ്ഞെടുപ്പ് കമ്മീഷണർമാർ ചുമതലയേറ്റു; ജ്ഞാനേഷ് കുമാറിനെയും ഡോ. സുഖ്ബീർ സന്ധുവിനെയും സ്വാ​ഗതം ചെയ്ത് CEC രാജീവ് കുമാർ

ന്യൂഡൽഹി: പുതിയ തിരഞ്ഞെടുപ്പ് കമ്മീഷണർമാരായി ചുമതലയേറ്റ് ജ്ഞാനേഷ് കുമാറും ഡോ. സുഖ്ബീർ സിം​ഗ് സന്ധുവും. വെള്ളിയാഴ്ച രാവിലെ ഡൽഹിയിലെ കമ്മീഷൻ ഓഫീസിലെത്തിയ ഇരുവരെയും തിരഞ്ഞെടുപ്പ് കമ്മീഷൻ മേധാവി രാജീവ് കുമാർ സ്വാ​ഗതം ചെയ്തു.

Shri Gyanesh Kumar and Shri Sukhbir Singh Sandhu assume
charge as Election Commissioners

Details : https://t.co/OYa42PIqzs pic.twitter.com/Y0pwPoQ0mX

— Spokesperson ECI (@SpokespersonECI) March 15, 2024

ഫെബ്രുവരിയിൽ അനൂപ് ചന്ദ്ര പാണ്ഡേ വിരമിച്ച ഒഴിവിലും അരുൺ ​ഗോയലിന്റെ രാജിയെ തുടർന്നുമാണ് തിരഞ്ഞെടുപ്പ് കമ്മീഷനിൽ രണ്ട് പേരെ പുതുതായി നിയോ​ഗിച്ചത്. ഈ സാഹചര്യത്തിൽ വരും ദിവസങ്ങളിൽ ലോക്സഭാ തിരഞ്ഞെടുപ്പ് തീയതി പ്രഖ്യാപിക്കുമെന്നാണ് വിവരം.

Two newly-appointed Election Commissioners, Gyanesh Kumar and Dr Sukhbir Singh Sandhu joined the Commission today: ECI pic.twitter.com/N5ZXd4RxQQ

— ANI (@ANI) March 15, 2024

കേന്ദ്ര നിയമമന്ത്രിയുടെ നേതൃത്വത്തിലുള്ള സർച്ച് കമ്മിറ്റിയാണ് തിരഞ്ഞെടുപ്പ് കമ്മീഷണർമാർക്കുള്ള ഷോർട്ട്ലിസ്റ്റ് തയ്യാറാക്കുന്നത്. അതിനുശേഷം പ്രധാനമന്ത്രി നരേന്ദ്രമോദിയും ലോക്സഭാ പ്രതിപക്ഷ നേതാവ് അധീർ രഞ്ജൻ ചൗധരിയും അടങ്ങുന്ന പാനൽ ഇതിൽ നിന്നും കമ്മീഷണർമാരെ തിരഞ്ഞെടുക്കുന്നതാണ് പ്രക്രിയ.