തിരുവനന്തപുരം: പോലീസ് കോൺസ്റ്റബിൾ തസ്തികയിൽ നിലവിൽ ലഭ്യമായ എല്ലാ ഒഴിവുകളും പി.എസ്.സിക്ക് റിപ്പോർട്ട് ചെയ്തിട്ടുണ്ടെന്ന മുഖ്യമന്ത്രിയുടെ വാദം പൊളിച്ച് സിപിഒ റാങ്ക് ഹോൾഡേഴ്സ്. മുഖ്യമന്ത്രിയെ ആരോ തെറ്റിദ്ധരിപ്പിച്ചതാണെന്ന് ഉദ്യോഗാർത്ഥികൾ പരിഹസിച്ചു.
സിവിൽ പോലീസ് ഓഫീസർ തസ്തികയിൽ 5,038-ഓളം ഒഴിവുകൾ നികത്തിയെന്നാണ് പറഞ്ഞത്. എന്നാൽ ഈ പറയുന്ന ഒഴിവുകൾ ഇതുവരെ പി.എസ്.സിയുടെ ഔദ്യോഗിക വെബ്സൈറ്റിൽ റിപ്പോർട്ട് ചെയ്യപ്പെട്ടിട്ടില്ല. 3,326 ഒഴിവുകളാണ് മാത്രമാണ് ഇതുവരെ ലഭിച്ചിട്ടുള്ള ഒഴിവുകൾ എന്ന് ഉദ്യോഗാർത്ഥികൾ വ്യക്തമാക്കി.
സമരം 32-ാം ദിവസം പിന്നിട്ടിരിക്കുകയാണ്. ഇതുവരെയും സർക്കാർ ഇവരുടെ ആവശ്യങ്ങൾ പരിഗണിക്കുന്നില്ലെന്ന ആക്ഷേപം ഉയരുന്നതിനിടെയാണ് ഇത്തരത്തിലുള്ള കുപ്രചരണങ്ങൾ.
