കരുത്തുറ്റ തീരുമാനവുമായി മുന്നോട്ട്; പൗരത്വം തേടുന്ന അപേക്ഷകർക്കായി മൊബൈൽ ആപ്പ് പുറത്തിറക്കി കേന്ദ്രസർക്കാർ; പ്ലേ സ്റ്റോറിൽ ലഭ്യം

‍‍ഡൽഹി: പൗരത്വ നിയമ ഭേദഗതി നിയമവുമായി കേന്ദ്ര സർക്കാർ മുന്നോട്ട് തന്നെ. പൗരത്വ ഭേദഗതി നിയമം, 2019 പ്രകാരം അർഹരായ ആളുകൾക്ക് ഇന്ത്യൻ പൗരത്വത്തിന് അപേക്ഷിക്കാൻ കേന്ദ്ര ആഭ്യന്തര മന്ത്രാലയം മൊബൈൽ ആപ്ലിക്കേഷൻ പുറത്തിറക്കി. ഗൂഗിൾ പ്ലേ സ്റ്റോറിൽ നിന്നോ, indiancitizenshiponline.nic.in എന്ന വെബ്‌സൈറ്റിൽ നിന്നോ ആപ്ലിക്കേഷൻ ഡൗൺലോഡ് ചെയ്യാമെന്ന് ആഭ്യന്തര മന്ത്രാലയം അറിയിച്ചു.

‘CAA-2019’ എന്ന മൊബൈൽ ആപ്പാണ് പ്രവർത്തനക്ഷമമാക്കിയിരിക്കുന്നത്. ഈ ആപ്പ് വഴി ഇനി പൗരത്വത്തിനായി അപേക്ഷിക്കാം. അടുത്തിടെ, സിഎഎ പ്രകാരം ഇന്ത്യൻ പൗരത്വത്തിന് അപേക്ഷിക്കാൻ അർഹരായ ആളുകൾക്കായി ആഭ്യന്തര മന്ത്രാലയം ഒരു പോർട്ടൽ ആരംഭിച്ചിരുന്നു. പാകിസ്താൻ, ബംഗ്ലാദേശ്, അഫ്ഗാനിസ്ഥാൻ എന്നിവിടങ്ങളിൽ നിന്നുള്ള ന്യൂനപക്ഷങ്ങൾക്കാണ് ഭാരതം പൗരത്വം നൽകുന്നത്.

‘CAA-2019’ Mobile App for making application under Citizenship (Amendment) Act, 2019 becomes operational. Applicants can download app from Google play store –https://t.co/T3gQnzle8F

It can also be downloaded from website –https://t.co/Z0BFTYJi8t@HMOIndia @PIB_India pic.twitter.com/NzZRptMvNI

— Spokesperson, Ministry of Home Affairs (@PIBHomeAffairs) March 15, 2024

പാകിസ്താന്‍, ബംഗ്ലാദേശ്, അഫ്ഗാനിസ്ഥാന്‍ എന്നീ അയല്‍ രാജ്യങ്ങളില്‍ നിന്നുള്ള മതന്യൂനപക്ഷങ്ങളായ ഹിന്ദുക്കള്‍, സിഖുകാര്‍, ബുദ്ധമതക്കാര്‍, ജൈനന്മാര്‍, പാര്‍സികള്‍, ക്രിസ്ത്യാനികള്‍ എന്നിവരടങ്ങുന്ന അനധികൃത കുടിയേറ്റക്കാര്‍ക്കാണ് പൗരത്വം നൽകുന്നത്. 1955 ലെ പൗരത്വ നിയമത്തില്‍ ഭേദഗതി വരുത്തിയാണ് പൗരത്വ(ഭേദഗതി) നിയമം 2019 വിജ്ഞാപനമാക്കിയിരിക്കുന്നത്.