ഇന്ന് ആരോഗ്യകരമായ ജീവിത ശൈലി പിന്തുടരുന്ന എല്ലാവരും ഭക്ഷണക്രമത്തിൽ ആവശ്യാനുസരണം പ്രോട്ടീൻ ഉൾപ്പെടുത്താറുണ്ട്. . സാധാരണ ജിമ്മിൽ പോകുന്നവരും ശരീരഭാരം കുറയ്ക്കാൻ ആഗ്രഹിക്കുന്നവരും കൃത്യമായി ഈ ഭക്ഷണശൈലിയാണ് പിന്തുടരുന്നത്. ആരോഗ്യ സംരക്ഷണത്തിൽ ശ്രദ്ധ നൽകിക്കൊണ്ടു തന്നെ, നമുക്ക് ഇഷ്ടപ്പെടുന്ന രീതിയിൽ രുചികരമായ മയൊണൈസ് തയ്യാറാക്കി നോക്കിയാലോ. അതും ശുദ്ധ വെജിറ്റേറിയനായി തയ്യാറാക്കാൻ സാധിക്കുന്ന ഒരു മയൊണൈസ്. സാധാരണ കടയിൽ നിന്ന് വാങ്ങുന്നത് പോലെയല്ല, രുചിക്ക് പുറമെ പ്രോട്ടീൻ സമ്പുഷ്ടവുമാണ് ഈ രീതിയിൽ തയ്യാറാക്കുന്ന മയൊണൈസ്.
ഇത് എങ്ങനെ തയ്യാറാക്കുമെന്ന് ഒന്ന് നോക്കാം. ആദ്യമായി ഇതിനു വേണ്ടത് 7 കുതിർന്ന കശുവണ്ടി ,50 ഗ്രാം പനീർ,നല്ല കട്ടതൈര് കഷ്ണങ്ങളാക്കിയത്,അൽപ്പം മല്ലിയില ,ആവശ്യത്തിന് ഉപ്പ് ,2 ടീസ്പൂൺ ഒലീവ് ഓയിൽഎന്നിവയാണ്. ശരീരത്തിന് ഹാനികരമായ കൊഴുപ്പുകളും പഞ്ചസാരയുടെ ഘടകങ്ങളും അടങ്ങിയ മയോണൈസ് മാറ്റി വച്ച് ഇതൊന്നു പരീക്ഷിക്കു. എന്നാൽ മേൽപ്പറഞ്ഞിരിക്കുന്ന വിഭവങ്ങൾ ഉപയോഗിച്ച് തയ്യാറാക്കുന്ന മയൊണൈസ് പ്രോട്ടീൻ സമ്പന്നമാണെന്ന് മാത്രമല്ല, ശരീരത്തിന് വളരെ നല്ലതുമാണ്.ഈ മയൊണൈസ് 16 മുതൽ 17 ദിവസം വരെ ഫ്രിഡ്ജിൽ കേടു കൂടാതെ സൂക്ഷിക്കാനും സാധിക്കും.
ഇതെങ്ങനെ തയ്യാറാക്കുന്നു എന്നല്ലേ. നിസാരമായി വീട്ടിൽ തയ്യാറാക്കാംആദ്യമായി മിക്സിയുടെ ജാറിലേക്ക് കുതിർത്ത ഏഴ് കശുവണ്ടി, 50 ഗ്രാം പനീർ, ഒരു ടീസ്പൂൺ കട്ടത്തെര്, നാല് അല്ലി വെളുത്തുള്ളി, അൽപ്പം മല്ലിയില, ആവശ്യത്തിന് ഉപ്പ്, രണ്ട് ടീസ്പൂൺ ഒലീവ് ഓയിൽ എന്നിവ ചേർക്കുക. ശേഷം ഇവയെല്ലാം നന്നായി യോജിച്ച് വരുന്നത് വരെ മിക്സിയിൽ ബ്ലെൻഡ് ചെയ്ത് എടുക്കുക. . ഇനി നല്ല വ്യത്തിയുള്ള ബൗളിലേക്ക് മാറ്റുക നല്ല ക്രീമിയായ രുചികരമായ മയോണൈസ് തയ്യാറായിരിക്കുന്നു. രുചികരമാണെന്നതിലുപരി പ്രോട്ടീൻ സമൃദ്ധവുമാണിത്. .- അപ്പോൾ എല്ലാവരും ഈ മയൊണൈസ് ഒന്ന് വീട്ടിൽ പരീക്ഷിച്ച് നോക്കുക.