ന്യൂഡൽഹി: പ്രശസ്ത ഓൺലൈൻ ഫുഡ് ഡെലിവറി പ്ലാറ്റ്ഫോം ആയ സൊമാറ്റൊയുടെ സിഇഒ ദീപീന്ദർ ഗോയൽ വിവാഹിതനായി. വധു മെക്സിക്കൻ മോഡലും സ്റ്റാർട്ടപ്പ് സംരംഭകയുമായ ഗ്രേസിയ മുനോസ് ആണ്. ഒരു മാസം മുമ്പാണ് ഇരുവരുടെയും വിവാഹം നടന്നതെന്നാണ് വിവരം. ഇരുവരും ഹണിമൂൺ യാത്രകളിലായിരുന്നെന്നും അടുത്തവൃത്തങ്ങൾ പറയുന്നു.
മെക്സിക്കോ സ്വദേശിയായ മുനോസ് ഇപ്പോൾ ഇന്ത്യയിലാണ് താമസമാക്കിയിരിക്കുന്നത്. പ്രശസ്ത മോഡൽ കൂടിയായിരുന്ന മിനോസ് ഇപ്പോൾ ഒരു സ്റ്റാർട്ടപ്പ് സ്ഥാപനത്തിന്റെ ഉടമ കൂടിയാണ്. ഗോയലിന്റെ രണ്ടാം വിവാഹമാണിത്. ഡൽഹി ഐഐടിയിൽ ഒപ്പം പഠിച്ചിരുന്ന കാഞ്ചൻ ജോഷിയാണ് ഇയാളുടെ മുൻ ഭാര്യ.
വിവാഹ വാർത്ത പുറത്ത് വന്നതോടെ ഗ്രെസിയ മുനോസിന്റെ പോസ്റ്റുകളടക്കം ചർച്ചയാകുകയാണ്. മെക്സിക്കോ സ്വദേശിനി ആണെങ്കിലും ഞാൻ ഇപ്പോൾ ഇന്ത്യയിലാണ് സ്ഥിരതാമസമാക്കിയിരിക്കുന്നതെന്ന് ഇൻസ്റ്റഗ്രാം ബയോയിൽ മുനോസ് ചേർത്തിരിക്കുന്നു. കഴിഞ്ഞ ഡിസംബറിലാണ് ഇവർ ഡൽഹിയിലെത്തിയത്.
കഴിഞ്ഞ ദിവസം സൊമാറ്റോയുടെ പ്യുവർ വെജ് ഡെലിവറി സംവിധാനം വലിയ വിവാദങ്ങൾക്ക് വഴിവെച്ചിരുന്നു. ഇതേക്കുറിച്ച് സോഷ്യൽ മീഡിയയിൽ ഉൾപ്പെടെ വിമർശനം ഉയരുന്നതിനിടെയാണ് കമ്പനി സിഇഒയുടെ വിവാഹ വാർത്തയും പുറത്തുവരുന്നത്.
