തെന്നിന്ത്യൻ സിനിമാ ലോകത്ത് നിരവധി ആരാധകരുള്ള ഒരു നടനാണ് അജിത് കുമാർ. സിനിമയേയും യാത്രകളെയും ഒരുപാട് ഇഷ്ട്പ്പെടുന്ന ആൾ കൂടിയാണ് താരം. അടുത്തിടെ ആശുപത്രി വാസത്തിലായിരുന്ന താരം വിശ്രമത്തിന് ശേഷം ഇപ്പോൾ തന്റെ പുതിയ യാത്രയിലാണ്. യാത്രക്കിടയിലുള്ള ചിത്രങ്ങളും വീഡിയോകളും ഇതിനോടകം സമൂഹമാദ്ധ്യമങ്ങളിൽ വൈറലായിരുന്നു.
AK ❤️#VidaaMuyarchi #GoodBadUgly pic.twitter.com/1Jo0rl2iIS
— Ragav シ︎ (@Ragav_Tweetz) March 21, 2024
ഇപ്പോഴിതാ ഇക്കൂട്ടത്തിലേയ്ക്ക് ഒരു വീഡിയോ കൂടി എത്തിയിരിക്കുകയാണ്. യാത്രക്കിടെ അജിത്തും സുഹൃത്തുക്കളും ചേർന്ന് ഭക്ഷണം പാചകം ചെയ്യുന്നതിന്റെ വീഡിയോയാണ് ഇത്. ഇഷ്ട വിഭവമായ ബിരായാണിയാണ് അജിത് തയ്യാറാക്കുന്നത്. ബിരിയാണി ആസ്വദിച്ച് പാചകം ചെയ്യുകയും സുഹൃത്തുക്കൾക്ക് വിളമ്പി നൽകുന്നതും വീഡിയോയിൽ കാണാം.
Ride with Venus#Ajithkumar pic.twitter.com/GOOE7XCQ8u
— Suresh Chandra (@SureshChandraa) March 20, 2024
അജിത്തിന്റെ സുഹൃത്തായ സുരേഷ് ചന്ദ്രയാണ് യാത്രക്കിടയിലുള്ള ചില ചിത്രങ്ങളും വീഡിയോകളും സമൂഹമാദ്ധ്യമങ്ങളിൽ പങ്കുവച്ചത്. മധ്യപ്രദേശിലേക്കാണ് അജിത്തും സംഘവും ബൈക്ക് യാത്ര നടത്തുന്നത്.
വിടാമുയർച്ചിയാണ് അജിത് നായകനാകുന്ന പുതിയ ചിത്രം. സിനിമയുടെ ആദ്യ ഷെഡ്യൂൾ അടുത്തിടെയാണ് പൂർത്തിയായത്. ചിത്രത്തിന്റെ അടുത്ത ഷെഡ്യൂൾ നടക്കുന്നത് അസർബൈജാനിലായിരിക്കും.