ചെന്നൈ: ലോക്‌സഭാ തെരഞ്ഞെടുപ്പ് പ്രചാരണത്തിന്റെയും ഹോളി ആഘോഷത്തിന്റെയും തിരക്കിലാണ് രാജ്യം. എങ്ങും നിറങ്ങളുടെ വൈവിധ്യങ്ങൾ മാത്രം. ഹോളി ആഘോഷം കെങ്കേമമാവുമ്പോൾ ലോക്‌സഭാ തെരഞ്ഞെടുപ്പിന്റെ പ്രചാരണവും പൊടിപൊടിക്കുകയാണ്. നിറത്തിന്റെ ഉത്സവത്തെ വരവേൽക്കുന്നതിന്റെയും ലോക്‌സഭാ തെരഞ്ഞെടുപ്പിന്റെയും തിരക്കിലാണ് നടിയും മഥുരയിലെ എൻഡിഎ സ്ഥാനാർത്ഥിയുമായ ഹേമാ മാലിനി.
”ഹോളിയും തെരഞ്ഞെടുപ്പ് പ്രചാരണവും ഒരുപോലെ പ്രധാന്യം അർഹിക്കുന്നതാണ്. സ്‌നേഹത്തിന്റെയും സ്വീകാര്യതയുടെയും ആഘോഷം കൂടിയാണ് ഈ ഉത്സവം. പ്രചാരണത്തിനൊപ്പം തന്നെ ഹോളിയും ആഘോഷമാക്കാനുള്ള തയ്യാറെടുപ്പിലാണ് എല്ലാ ബിജെപി പ്രവർത്തകരും മുതിർന്ന നേതാക്കളും. ജനങ്ങൾ ബിജെപിയെ ഏറ്റെടുത്ത് കഴിഞ്ഞിരിക്കുന്നു. വരുന്ന ലോക്‌സഭാ തെരഞ്ഞെടുപ്പിൽ ബിജെപി 400 സീറ്റുകൾ പിടിച്ചെടുക്കും.”- ഹേമാ മാലിനി പറഞ്ഞു.
മൂന്നാം തവണയും ജനങ്ങളെ സേവിക്കാനുള്ള തയ്യാറെടുപ്പിലാണ് ഹേമാ മാലിനി. ബിജെപി അധികാരത്തിൽ വരുന്നതോടെ ഇന്ത്യയുടെ ശോഭന ഭാവി തെളിയുമെന്നും രാജ്യത്തുടനീളം മികച്ച പ്രവർത്തനങ്ങൾ കാഴ്ചവയ്‌ക്കുമെന്നും ഹേമ മാലിനി വ്യക്തമാക്കി.
