പത്തനംതിട്ട: റാന്നി പ്ലാച്ചേരി ഫോറസ്റ്റ് സ്റ്റേഷൻ പരിസരത്ത് ഗ്രോ ബാഗിൽ നട്ടു വളർത്തിയ കഞ്ചാവ് ശേഖരം കണ്ടെത്തി. രഹസ്യ വിവരം ലഭിച്ചതിനെ തുടർന്ന് പോലീസ് നടത്തിയ പരിശോധനയിലാണ് കഞ്ചാവ് കണ്ടെത്തിയത്.
ഗ്രോ ബാഗിൽ വളർത്തിയ 40ഓളം കഞ്ചാവ് ചെടികളാണ് പോലീസ് കണ്ടെത്തിയത്. വിശദമായ പരിശോധനയിൽ ഇന്ന് രാവിലെയും ചെടിക്ക് വെളളമൊഴിച്ചതായി കണ്ടെത്തിയിട്ടുണ്ട്. ഉദ്യോഗസ്ഥരുടെ അറിവോടയല്ലാതെ ഇവിടെ കഞ്ചാവ് വളർത്താനാകില്ലെന്നാണ് ഉയർന്ന ഉദ്യോഗസ്ഥർ ചൂണ്ടിക്കാട്ടുന്നത്. സംഭവത്തിൽ എരുമേലി റേഞ്ച് ഓഫീസർ ബിആർ ജയന്റെ അന്വേഷണ റിപ്പോർട്ട് പുറത്തുവന്നു. കൃഷി ഫോറസ്റ്റ് ഉദ്യോഗസ്ഥരുടെ അറിവോടെയാണെന്ന് റിപ്പോർട്ടിൽ പറയുന്നു.
പ്ലാച്ചേരി ഫോറസ്റ്റ് സ്റ്റേഷനിലെ റെസ്ക്യൂവർ അജേഷ്, ബീറ്റ് ഫോറസ്റ്റ് ഓഫീസർ സാം കെ സാമുവൽ എന്നിവരാണ് കഞ്ചാവ് കൃഷി നടത്തിയത്. സംഭവം പുറത്തായതോടെ ഇവ നശിപ്പിക്കാൻ ശ്രമിച്ചെന്നും അന്വേഷണ റിപ്പോർട്ടിൽ പറയുന്നു. കഞ്ചാവ് വർത്തിയ ഗ്രോബാഗുകളുടെ അവശിഷ്ടങ്ങളും കണ്ടെത്തിയിട്ടുണ്ട്.