പലരും നേരിട്ട് കണ്ടിട്ടില്ലെങ്കിലും വമ്പൻ സംഭവമാണ് നീരാളി എന്ന എട്ട് കൈകളുള്ള വിചിത്ര ജീവികൾ. ഏകദേശം 300-ൽ പരം നീരാളികളെ ഇതുവരെ കണ്ടെത്തിയിട്ടുണ്ട്. അതിശയം തോന്നുന്ന ജീവിയാണ് നീരാളി. ഇവയുടെ ശരീരത്തിൽ എല്ലുകളില്ല എന്നതാണ് നീരാളിയുടെ ഏറ്റവും വലിയ പ്രത്യേകത.കൈകൾ ഉപയോഗിച്ചാണ് ഇവയുടെ സഞ്ചാരം. കൈ നഷ്ടപ്പെടുന്നതിന് അനുസരിച്ച് പുതിയവ വളർന്ന് വരുന്നു.
ശരീരം ചെറുതാക്കി വളരെ ചെറിയ സ്ഥലത്ത് നുഴഞ്ഞ് ഇറങ്ങാനും ഇവയ്ക്ക് സാധിക്കുന്നു. ഏറ്റവും ചെറിയ നീരാളിക്ക് ഒരിഞ്ചിൽ താഴെ വലിപ്പമേയുള്ളൂ. ഒരു പെൺനീരാളി ഒറ്റ തവണ ഒരു ലക്ഷത്തിലേറെ മുട്ടകളിടുന്നു. ആർക്കും അറിയാത്ത ചില നീരാളി രഹസ്യങ്ങൾ പരിചയപ്പെടാം..
- മൂന്ന് ഹൃദയമുള്ള ജീവിയാണ് നീരാളി. അവയിൽ രണ്ടെണ്ണം അവയുടെ ചെകിളകളിലേക്ക് രക്തം പമ്പ് ചെയ്യാൻ ഉപയോഗിക്കുന്നു. മൂന്നാമത്തെ ഹൃദയം അവയവങ്ങളിലേക്കുള്ള രക്തചംക്രമണം നിലനിർത്തുന്നു. നീരാളി നീന്തുന്ന ഓരോ സമയത്തും ഈ മൂന്നാമത്തെ ഹൃദയം നിലയ്ക്കും.
- ഇണ ചേർന്നതിന് ശേഷം ആൺ നീരാളി മരിക്കുന്നു.
- മറവി ഏറ്റവും കൂടുതലുള്ള ജീവിയാണ് നീരാളി.
- പെൺ നീരാളി 400,000 മുട്ടകൾ വരെ ഇടുന്നു. മുട്ടകൾ വിരിയാൻ കുറഞ്ഞത് അഞ്ച് മാസമെങ്കിലും എടുക്കും. ഇക്കാലമത്രയും മുട്ടകളുടെ സംരക്ഷണം പെൺ നീരാളിക്കാണ്. ആഴക്കടൽ നീരാളി തന്റെ മുട്ടകളെ ഏകദേശം 4.5 വർഷത്തോളം സംരക്ഷിച്ചിരുന്നതായി കണ്ടെത്തിയിരുന്നു.
- ലോകത്തിൽ ഏറ്റവും സമുദ്രജീവികളിൽ ഒന്നാണ് നീരാളി. ഓസ്ട്രേലിയയിലെ നീല-വലയമുള്ള നീരാളിക്ക് 5 മുതൽ 8 ഇഞ്ച് വലുപ്പം മാത്രമാണുള്ളതെങ്കിലും 26 മനുഷ്യരെ കൊല്ലാൻ ആവശ്യമായ വിഷം വഹിക്കാൻ കഴിയുന്നു.
