ചെന്നൈ സൂപ്പർ കിംഗ്സിനോട് 63 റൺസിന് തോൽവി വഴങ്ങിയതിന് പിന്നാലെ ഗുജറാത്ത് ടൈറ്റൻസ് നായകൻ ശുഭ്മാൻ ഗില്ലിന് മറ്റൊരു തിരിച്ചടി. കുറഞ്ഞ ഓവർ നിരക്കിന്റെ പേരിൽ മാച്ച് റഫറി ശുഭ്മാൻ ഗില്ലിന് 12 ലക്ഷം രൂപയാണ് പിഴയിട്ടത്. സീസണിലെ ആദ്യ പിഴവായത് കൊണ്ടാണ് പിഴ 12 ലക്ഷത്തിൽ ഒതുങ്ങിയത്. തെറ്റ് ആവർത്തിച്ചാൽ താരത്തിന് ഒരു മത്സരത്തിൽ പുറത്തിരിക്കേണ്ടി വരും.
ഇന്നലെ സിഎസ്കെയോട് 63 റൺസിന്റെ തോൽവിയാണ് ഗുജറാത്ത് ടൈറ്റൻസ് വഴങ്ങിയത്. ചെന്നൈ ഉയർത്തിയ 207 റൺസ് വിജയലക്ഷ്യം പിന്തുടർന്ന ഗുജറാത്തിന് മത്സരത്തിന്റെ ഒരുഘട്ടത്തിൽ പോലും വെല്ലുവിളി ഉയർത്താനായില്ല. ബാറ്റിംഗിലും ബൗൡഗിലും ഗുജറാത്തിനെ ചെന്നൈ വരിഞ്ഞ് മുറുക്കുകയായിരുന്നു. നായകൻ ശുഭ്മാൻ ഗില്ലിനും മത്സരത്തിൽ തിളങ്ങാനായില്ല.