ഇന്ത്യയ്‌ക്കുള്ളത് ‘ ഡിജിറ്റൽ ഗവൺമെന്റ്’; വിപ്ലകരമായ മാറ്റങ്ങൾ ഡിജിറ്റൽ ഇന്ത്യയെ വളർത്തിയെടുത്തു; ഭാരതത്തെ പ്രശംസിച്ച് ബിൽഗേറ്റ്‌സ്

ന്യൂഡൽഹി: നൂതന സാങ്കേതികവിദ്യകൾ അതിവേഗം സ്വീകരിക്കുന്നതിനും പ്രയോജനപ്പെടുത്തുന്നതിനും ഇന്ത്യ കാണിക്കുന്ന ആർജ്ജവത്തെ പ്രശംസിച്ച് മൈക്രോസോഫ്റ്റ് സഹസ്ഥാപകൻ ബിൽഗേറ്റ്‌സ്. ഇന്ത്യയ്‌ക്കുള്ളത് കേവലം ഒരു സർക്കാരല്ലെന്നും ‘ഡിജിറ്റൽ ഗവൺമെന്റാണ്’ രാജ്യത്തിനുള്ളതെന്നും അദ്ദേഹം അഭിപ്രായപ്പെട്ടു. കഴിഞ്ഞ ദിവസം പ്രധാനമന്ത്രിയുടെ വസതിയിൽ വച്ചായിരുന്നു ആഗോള നേതാക്കൾ തമ്മിൽ കണ്ടുമുട്ടിയത്. രണ്ട് പേരുടെയും സൗഹൃദ സംഭാഷണത്തിന്റെ വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ പ്രചരിക്കുന്നത്.

ഇന്ത്യയുടെ അദ്ധ്യക്ഷതയിൽ നടന്ന ജി20 ഉച്ചകോടിയുടെ പ്രധാന നേട്ടങ്ങളും ഇരു നേതാക്കളും ചർച്ച നടത്തി. ഇതോടൊപ്പം ഇന്തോനേഷ്യയിൽ വച്ച് നടന്ന ജി20 ഉച്ചകോടിയിൽ ലോകനേതാക്കൾ രാജ്യത്തെ ഡിജിറ്റൽ വിപ്ലവത്തിൽ ജിജ്ഞാസ പ്രകടിപ്പിച്ചതായും പ്രധാനമന്ത്രി പറഞ്ഞു. ഡിജിറ്റൽ ഇന്ത്യയെ വളർത്തി എടുക്കുന്നതിൽ കഴിഞ്ഞ ഏതാനും വർഷത്തിനിടെ വിപ്ലവകരമായ മാറ്റങ്ങളാണ് രാജ്യത്തുണ്ടായിരിക്കുന്നതെന്ന് ഒരു ‘ഡിറ്റജൽ സർക്കാർ’ ഉണ്ടെങ്കിൽ മാത്രമേ ഇത് സാധ്യമാവുകയുള്ളൂവെന്നും ബിൽഗേറ്റ്‌സ് വ്യക്തമാക്കി.

മാറി വരുന്ന സാങ്കേതികവിദ്യയിലെ ഒളിഞ്ഞിരിക്കുന്ന ചതിക്കുഴികളെ കുറിച്ചും ഇരു നേതാക്കളും ചർച്ച നടത്തി. എഐ നിർമിതമായുള്ള ഉള്ളടക്കങ്ങൾക്ക് വാട്ടർമാർക്ക് നിർബന്ധമാക്കണമെന്നും ഡീപ്പ്‌ഫേക്ക് തടയേണ്ടതിന്റെ ആവശ്യകതയും പ്രധാനമന്ത്രി ചൂണ്ടിക്കാട്ടി. സൈബർ സുരക്ഷ പ്രധാനമാണ്. ഡീപ്പ്‌ഫേക്കുകൾ ജനങ്ങളിൽ ആശങ്ക പരത്തുന്നുണ്ട്. ഇത് തടയാനായി കൃത്യമായ വാട്ടർമാർക്കുകൾ നൽകി തുടങ്ങണമെന്നും ഇന്ത്യ ഇത്തരം കാര്യങ്ങൾ തടയാനുള്ള പോരാട്ടത്തിലാണെന്നും പ്രധാനമന്ത്രി വ്യക്തമാക്കി.

#WATCH | PM Narendra Modi and Bill Gates discuss the Digital revolution in India as well as the Health, Agriculture and Education sectors in India.

PM Modi says, “During the G20 Summit in Indonesia, representatives from around the world expressed their curiosity about the… pic.twitter.com/q6C3uU3ZRQ

— ANI (@ANI) March 29, 2024

ആഗോള നേതാക്കളുടെ ഔദ്യോഗിക കൂടിക്കാഴ്ചയെക്കാൾ ഉപരി സൗഹൃദ സംഭാഷണമായിരുന്നു കഴിഞ്ഞ ദിവസം പ്രധാനമന്ത്രിയുടെ വസതിയിൽ വച്ച് നടന്നത്. കാലാവസ്ഥാ വ്യതിയാനത്തെ സംബന്ധിച്ചും ഇത്തരം കാര്യങ്ങളിൽ സാങ്കേതികവിദ്യ ജനങ്ങൾക്കായി എങ്ങനെ പ്രയോജനപ്പെടുത്താം തുടങ്ങി നിരവധി വിഷയങ്ങൾ ഇരുവരും ചർച്ചചെയ്തു. പ്രധാനമന്ത്രിയുടെ നമോ ആപ്പിലെ ഫോട്ടോബൂത്ത് എന്താണെന്നും അദ്ദേഹം ബിൽഗേറ്റ്‌സിന് പരിചയപ്പെടുത്തിയിരുന്നു.