തിരക്ക് പിടിച്ച ജീവിതശൈലി കാരണം കൃത്യസമയത്ത് ഉറങ്ങാൻ സാധിക്കണമെന്നില്ല. എട്ട് മണിക്കൂറിൽ കൂടുതൽ നിർബന്ധമായും ഉറങ്ങണമെന്നാണ് പഠനങ്ങൾ പറയുന്നത്. നിശ്ചിതസമയത്തിൽ എല്ലാ ദിവസവും ഉറങ്ങിയില്ലെങ്കിൽ നിരവധി അസുഖങ്ങൾ ഭാവിയിൽ ഉണ്ടാകുമെന്നും പഠനങ്ങളിൽ വിലയിരുത്തുന്നുണ്ട്. സെര്ക്കുലേഷന് ജേണലില് പ്രസിദ്ധീകരിച്ച ഏറ്റവും പുതിയ പഠനത്തില് പറയുന്നത് മധ്യവയസ്സിലെ സ്ത്രീകൾ ഏഴു മണിക്കൂറിൽ താഴെയാണ് ഉറങ്ങുന്നതെങ്കിൽ ഭാവിയില് ഹൃദ്രോഗത്തിന് സാധ്യതയുണ്ടാകുമെന്നാണ്.
സ്ട്രോക്ക്, ഹൃദയാഘാതം പോലുള്ള അവസ്ഥകള് സ്ത്രീകളിൽ ഉണ്ടാകുന്നതിലെ പ്രധാന കാരണമാണ് ഉറക്കക്കുറവെന്നാണ് പഠനത്തിൽ പറയുന്നത്. പുരുഷന്മാരെ അപേക്ഷിച്ച് സ്ത്രീകള്ക്കാണ് കൂടുതല് ഹൃദ്രോഗങ്ങള് വരുന്നത്. ചികിത്സിച്ച് ഭേദമാക്കാനുള്ള സാധ്യത പുരുഷന്മാരെ അപേക്ഷിച്ച് സ്ത്രീകളിൽ കുറവാണെന്നും സെര്ക്കുലേഷന് ജേണലിൽ പ്രസിദ്ധീകരിച്ച പഠനത്തിൽ പറയുണ്ട്.
കൂടുതൽ സ്ത്രീകളും ഹൃദ്രോഗം വന്നിട്ടാണ് മരണപ്പെടുന്നത്. വേണ്ട രീതിയിൽ മുൻകരുതലുകൾ എടുത്താൽ ഹൃദ്രോഗത്തെ തടയാൻ സാധിക്കും. ഇതിൽ ഏറ്റവും പ്രധാനപ്പെട്ടതാണ് മധ്യവയസിലെ സ്ത്രീകളുടെ ഉറക്കം. സ്ഥിരമായി അഞ്ചു മണിക്കൂര് മാത്രം രാത്രിയുറങ്ങുന്നവര്ക്ക് ഹൃദ്രോഗസാധ്യത കൂടുതലാണെന്നും പഠനം ചൂണ്ടിക്കാണിക്കുന്നു.