ബിജെപി വനിതാ സ്ഥാനാർത്ഥിക്കെതിരെയുള്ള കോൺ​ഗ്രസ് നേതാവിന്റെ സ്ത്രീവിരുദ്ധ പരാമർശം: വിമർശനവുമായി സൈന നെഹ്‌വാൾ

ന്യൂഡൽഹി: കർണാടകയിലെ എൻഡിഎ സ്ഥാനാർത്ഥിയായ ഗായത്രി സിദ്ധേശ്വരയ്‌ക്കെതിരെ കോൺ​ഗ്രസ് നേതാവ് ഷാമനൂർ ശിവശങ്കരപ്പ നടത്തിയ സ്ത്രീവിരുദ്ധ പരാമർശത്തിൽ വിമർശനവുമായി ബാഡ്മിൻ്റൺ താരവും ഒളിമ്പിക്‌സ് മെഡൽ ജേതാവുമായ സൈന നെഹ്‌വാൾ. എക്സിലൂടെയാണ് സൈന നെഹ്‌വാൾ വിമർശനവുമായി രം​ഗത്തെത്തിയത്.

“ബാഡ്മിൻഡനിൽ ഞാൻ എങ്ങനെയാണ് മികച്ച പ്രകടനം കാഴ്ചവച്ചത്. എങ്ങനെയാണ് രാജ്യത്തിന് വേണ്ടി ഞങ്ങൾ മെഡലുകൾ നേടിയത്. ഭാരതത്തിന് വേണ്ടി മെഡലുകൾ നേടിയപ്പോൾ കോൺഗ്രസ് പാർട്ടി എന്താണ് ചെയ്തത്. എല്ലാ സ്ത്രീകളും പെൺകുട്ടികളും
തങ്ങൾക്കിഷ്ടമുള്ള മേഖലകളിൽ വലിയ നേട്ടം കൈവരിക്കണമെന്ന് സ്വപ്നം കാണുമ്പോൾ എന്തിനാണ് ഇത്തരം കാര്യങ്ങൾ പറയുന്നത് എന്നായിരുന്നു സൈനയുടെ ചോദ്യം.

“Woman should be restricted to the kitchen”- This is what a top Karnataka leader Shamanur Shivashankarappa ji has said . This sexist jibe at @bjp4india candidate from Davanagere Gayathri Siddeshwara ji is least expected from a party that says Ladki Hoon Lad Sakti Hoon

When I…

— Saina Nehwal (@NSaina) March 30, 2024

“സ്ത്രീകളെ ശക്തിപ്പെടുത്താനും സ്ത്രീശാക്തീകരണത്തെ വാഴ്‌ത്താനുമുള്ള സമയമാണിത്. എന്നാൽ ശിവശങ്കരപ്പയെപ്പോലുള്ളവർ സ്ത്രീവിരുദ്ധത കാണിക്കുന്നു. പ്രധാനമന്ത്രി നരേന്ദ്രമോദിയുടെ നേതൃത്വത്തിൽ വനിതാ സംവരണ ബിൽ പാസാക്കി. ഒരു വശത്ത് സ്ത്രീശാക്തീകരണം നടക്കുമ്പോൾ മറുവശത്ത് സ്ത്രീവിരുദ്ധർ അസ്വസ്ഥരായിക്കൊണ്ടിരിക്കുന്നു” – സൈന നെഹ്‌വാൾ എക്സിൽ കുറിച്ചു.

സ്ത്രീകളെ ഒന്നടങ്കം അടിച്ചമർത്തുന്ന തരത്തിലാണ് ഷാമനൂർ ശിവശങ്കരപ്പ അധിക്ഷേപ പരാമർശം നടത്തിയത്. ഗായത്രി സിദ്ധേശ്വരയ്‌ക്ക് പാചകം മാത്രമേ അറിയുകയുള്ളൂ‌വെന്നും പൊതുജനങ്ങളുടെ മുമ്പിൽ വന്ന് സംസാരിക്കുന്നത് പാചകം പോലെ എളുപ്പമുളളതല്ലെന്നുമായിരുന്നു ശിവശങ്കരപ്പയുടെ പരാമർശം.