അബുദാബിയിലെ ബാപ്‌സ് ഹിന്ദു ക്ഷേത്രത്തിൽ ദർശനം നടത്തി ബോളിവുഡ് താരങ്ങളായ അക്ഷയ് കുമാറും ടൈഗർ ഷ്റോഫും. ഇരുവരും ഒരുമിക്കുന്ന ഏറ്റവും പുതിയ ചിത്രമായ ‘ബഡേ മിയാൻ ഛോട്ടേ മിയാൻ’ എന്ന ചിത്രത്തിന്റെ പ്രമോഷനായാണ് അക്ഷയ് കുമാറും ടൈഗർ ഷ്റോഫും യുഎഇയിൽ എത്തിയത്. ഇതിനിടെയാണ് ഇരുവരും ദർശനത്തിനായി ക്ഷേത്രത്തിലെത്തിയത്. ക്ഷേത്രത്തിൽ ദർശനം നടത്തുന്നതിന്റെ വീഡിയോ സോഷ്യൽ മീഡിയയിൽ പങ്കുവച്ചിരുന്നു.
View this post on Instagram
പരമ്പരാഗത രീതിയിലുള്ള വസ്ത്രങ്ങൾ ധരിച്ചാണ് താരങ്ങൾ ക്ഷേത്ര ദർശനത്തിനെത്തിയത്. ഇരുവരും കൈകോർത്ത് ക്ഷേത്രത്തിനുള്ളിലേക്ക് പ്രവേശിക്കുന്നതും പ്രാർത്ഥന നടത്തുന്നതും ക്ഷേത്ര പൂജാരിയുടെ പാദങ്ങളിൽ തൊട്ട് താരങ്ങൾ അനുഗ്രഹം തേടുന്നതും വീഡിയോയിൽ കാണാം. പുരോഹിതരുമായി സംസാരിച്ച് ക്ഷേത്ര പ്രദക്ഷിണവും നടത്തിയ ശേഷമാണ്
‘അബുദാബിയിലെ ബാപ്‌സ് ഹിന്ദു ക്ഷേത്രം സന്ദർശിക്കാൻ അവസരം ലഭിച്ചു, ഇത് തികച്ചും ദൈവീകമായ അനുഭവമായിരുന്നു.’ എന്ന കുറിപ്പോടെയാണ് താരങ്ങൾ വീഡിയോ പങ്കുവച്ചത്. ഒപ്പം നവരാത്രി, ഗുഡി പദ്വ, ഉഗാദി ആശംസകൾ അറിയിക്കുകയും ചെയ്തു.
അക്ഷയ് കുമാറും ടൈഗർ ഷ്റോഫും ആദ്യമായി ഒന്നിക്കുന്ന ചിത്രമാണ് ബഡേ മിയാൻ ഛോട്ടേ മിയാൻ. പൃഥ്വിരാജ് ആണ് ചിത്രത്തിൽ പ്രതിനായക വേഷത്തിൽ എത്തുന്നത്. ചിത്രത്തിൽ മലയാളിയായ കബീർ എന്ന കൊടുംഭീകരന്റെ വേഷത്തിലാണ് പൃഥ്വിരാജ് എത്തുന്നത്. ഇയാളെ പിടികൂടാനെത്തുന്ന അന്വേഷണ ഉദ്യോഗസ്ഥരുടെ വേഷത്തിലാണ് അക്ഷയ് കുമാറും ടൈഗർ ഷ്റോഫും എത്തുന്നത്.
നീണ്ട ഇടവേളക്ക് ശേഷമാണ് പൃഥ്വിരാജ് ബോളിവുഡിൽ അഭിനയിക്കുന്നത്. ചിത്രം ഇന്ന് തീയേറ്ററുകളിൽ റിലീസ് ചെയ്യുമെന്ന് അറിയിച്ചിരുന്നുവെങ്കിലും, പിന്നീട് നാളത്തേക്ക് മാറ്റുകയായിരുന്നു. സൊനാക്ഷി സിൻഹ, മാനുഷി ചെല്ലാർ, അലായ എന്നിവരാണ് ചിത്രത്തിലെ നായികമാർ. രോണിത് റോയിയും ചിത്രത്തിൽ ശ്രദ്ധേയമായ വേഷത്തിൽ എത്തുന്നുണ്ട്.
