നടൻ ഉണ്ണി മുകുന്ദന്റെ അഭിനയപ്രതിബദ്ധതയെ പ്രശംസിച്ച് സംവിധായകൻ രഞ്ജിത്ത് ശങ്കർ . ഇരുവരും ഒന്നു ചേർന്ന ജയ് ഗണേഷ് എന്ന ചിത്രം മികച്ച പ്രതികരണവുമായി മുന്നോട്ട് പോകുമ്പോഴാണ് രഞ്ജിത്ത് ശങ്കറിന്റെ ഫേസ്ബുക്ക് പോസ്റ്റ് .
‘ ഉണ്ണി മുകുന്ദന്റെ ഇടപെടൽ, പ്രതിബദ്ധത, കഠിനാധ്വാനം എന്നിവയിൽ ഞാൻ അതിശയിച്ച സമയങ്ങളുണ്ട്. ഇത് ഏറ്റവും കഠിനമായ വേഷമാണെന്ന് അദ്ദേഹത്തിന് ഒരിക്കലും തോന്നിയിട്ടില്ല. രാവിലെ 7 മുതൽ രാത്രി 9 വരെ കാലുകൾ കെട്ടിയിട്ട്, ഏകദേശം 35 ദിവസത്തോളം വീൽ ചെയറിലിരുന്നു. അപ്പോഴും ഏറ്റവും അപകടകരമായ രംഗങ്ങൾ അവതരിപ്പിക്കുന്നു, പരാതിപ്പെടാതെ തന്നെ .
പ്രേക്ഷകൻ എന്ന നിലയിൽ നിങ്ങളെ അത് ബോധ്യപ്പെടുത്താനുള്ള മാന്യമായ ഒരു ശ്രമമാണിത് . ഈ പ്രകടനത്തെ ഞാൻ അത്ഭുതം എന്ന് വിളിക്കും . വെൽഡൺ ഉണ്ണി മുകുന്ദൻ ‘ – എന്നാണ് രഞ്ജിത്ത് ശങ്കറിന്റെ കുറിപ്പ്.
മഹിമാ നമ്പ്യാർ നായികയാവുന്ന ചിത്രത്തിൽ നടി ജോമോളും പ്രധാന കഥാപാത്രത്തെ അവതരിപ്പിക്കുന്നു.ഹരീഷ് പേരടി, അശോകൻ, രവീന്ദ്ര വിജയ്, നന്ദു തുടങ്ങിയവരാണ് മറ്റു പ്രധാന താരങ്ങൾ.
