വയനാട്: താമരശ്ശേരി ചുരത്തിൽ ചരക്ക് വാഹനം കുടുങ്ങിയതിനെ തുടർന്ന് വൻ ഗതാഗതക്കുരുക്ക്. ചിപ്പിലത്തോട് ഭാഗം മുതൽ ലക്കിടി വരെയാണ് വാഹനങ്ങൾ കുടുങ്ങി കിടക്കുന്നത്. വ്യൂ പോയിന്റിന് സമീപമാണ് ചരക്കു വാഹനം കുടുങ്ങിയത്.
ഗതാഗതം തടസ്സപ്പെട്ടതിനെ തുടർന്ന് പൊലീസും ചുരം സംരക്ഷണ സമിതി പ്രവർത്തകരും സംഭവ സ്ഥലത്തെത്തിയിട്ടുണ്ട്. അവധി ദിനങ്ങളിൽ ചുരത്തിലൂടെ വലിയ വാഹനങ്ങൾ സഞ്ചരിക്കുന്നതിന് നിയന്ത്രണം ഏർപ്പെടുത്തിയിരുന്നു.
ശനി, ഞായർ എന്നിങ്ങനെയുള്ള പൊതു അവധി ദിവസം, രണ്ടാം ശനിയോട് ചേർന്ന് വരുന്ന വെള്ളി എന്നീ ദിവസങ്ങളിലാണ് വലിയ വാഹനങ്ങൾക്ക് ചുരത്തിലൂടെയുള്ള യാത്രയിൽ നിയന്ത്രണമുള്ളത്. വൈകിട്ട് മൂന്ന് മുതൽ ഒമ്പത് വരെയാണ് നിയന്ത്രണം.
