ടെൽ അവീവ്: ഇസ്രായേൽ കമ്പനിയുടെ കപ്പൽ പിടിച്ചെടുത്ത് ഇറാൻ. എംഎസ്സി ഏരീസ് ചരക്കുകപ്പൽ പിടിച്ചെടുത്ത വിവരം ഇറാന്റെ ന്യൂസ് ഏജൻസിയായ തസ്നീം ആണ് പുറത്തുവിട്ടത്. ഇന്ന് രാവിലെയായിരുന്നു സംഭവം. ദുബായിലേക്ക് പോകുകയായിരുന്ന പോർച്ചുഗീസ് പതാകയുള്ള എംഎസ്സി ഏരീസ് ചരക്കുകപ്പൽ ഹോർമുസ് കടലിടുക്കിൽ വച്ചാണ് ഇറാൻ സെെന്യം പിടിച്ചെടുത്തത്.
ലണ്ടൻ ആസ്ഥാനമായുള്ള സോഡിയാക് മാരിടൈമിന്റെ ഉടമസ്ഥതയിലുള്ളതാണ് കപ്പൽ. ഇസ്രായേലി ശതകോടീശ്വരൻ ഇയാൽ ഓഫറിന്റെ സോഡിയാക് ഗ്രൂപ്പിന്റെ ഭാഗമാണ് സോഡിയാക് മാരിടൈം. എന്നാൽ വാർത്തയോട് പ്രതികരിക്കാൻ സോഡിയാക് ഗ്രൂപ്പ് ഇതുവരെയും തയ്യാറായിട്ടില്ല.
അസോസിയേറ്റ് പ്രസ് പങ്കുവച്ച വീഡിയോയിൽ ഇറാൻ സെെന്യം ഹെലികോപ്റ്ററിലൂടെ കപ്പലിലേക്ക് കടന്നുകയറുന്നത് കാണാം.