ചെന്നൈ: ലോക്‌സഭാ തെരഞ്ഞെടുപ്പിൽ വോട്ട് രേഖപ്പെടുത്തി തമിഴ്‌നാട്ടിലെ സൂപ്പർ താരങ്ങളും. നടൻമാരായ സൂര്യ, കാർത്തി, വജയ്, ചിയാൻ വിക്രം, വിജയ് സേതുപതി, വിശാൽ എന്നിവർ പോളിംഗ് ബൂത്തിലെത്തി.
ഇവരെ കൂടാതെ വിരുതുനഗറിലെ എൻഡിഎ സ്ഥാനാർത്ഥി രാധിക ശരത് കുമാറും ഭർത്താവ് ശരത് കുമാറും വോട്ട് രേഖപ്പെടുത്താൻ എത്തിയിരുന്നു.
ചെന്നൈയിലെ തിരുവാൻമിയൂരിലെ പോളിംഗ് സ്‌റ്റേഷനിലെത്തിയാണ് രാധികയും ശരത് കുമാറും വോട്ട് രേഖപ്പെടുത്തിയത്.
ദേശീയ വനിതാ കമ്മീഷൻ അംഗമായ ഖുശ്ബു ചെന്നൈയിലെ പട്ടിൻപാക്കത്തുള്ള പോളിംഗ് സ്‌റ്റേഷനിലെത്തിയാണ് വോട്ട് രേഖപ്പെടുത്തിയത്.
ഭർത്താവ് സുന്ദർ സിയ്‌ക്കും മക്കൾക്കും ഒപ്പമാണ് ഖുശ്ബു വോട്ട് ചെയ്യാൻ എത്തിയത്.
ഇവരെ കൂടാതെ നടി തൃഷ, നടൻമാരായ പ്രശാന്ത്, രാഘവ ലോറൻസ് എന്നിവരും പോളിംഗ് സ്റ്റേഷനിൽ എത്തി വോട്ട് രേഖപ്പെടുത്തി.
കുടുംബ സമേതമെത്തിയാണ് സൂര്യയും കാർത്തിയും വോട്ട് ചെയ്തത്. താരദമ്പതിമാരായ സ്നേഹയും പ്രസന്നയും പോളിംഗ് സ്റ്റേഷനിലേക്ക് ഒരുമിച്ചെത്തി.
നടൻ വിശാൽ സൈക്കിളിൽ എത്തിയാണ് വോട്ട് രേഖപ്പെടുത്തിയത്.
സംവിധായകനും നടനുമായ സെൽവ രാഘവനും ഭാര്യ ഗീതാഞ്ജലിയും രാവിലെ തന്നെ പോളിംഗ് സ്റ്റേഷനിൽ എത്തിച്ചേർന്നിരുന്നു.
സംവിധായകൻ പ്രിയദർശൻ മകൾ കല്യാണിക്കൊപ്പമാണ് വോട്ട് ചെയ്യാനെത്തിയത്.
നടൻ കമലഹാസൻ കോയമ്പത്തൂരിലും, നടൻ വിജയ് ചെന്നൈയിലെ നീലങ്കരയിലുള്ള വെൽസ് ഇന്റർനാഷണൽ പ്രീ സ്‌കൂളിലുമെത്തി വോട്ടുകൾ രേഖപ്പെടുത്തി.
സംവിധായകൻ ഷങ്കർ മകളും നടിയുമായ അതിഥി ഷങ്കറിനൊപ്പമാണ് പോളിംഗ് ബൂത്തിൽ എത്തിയത്.
നടനും രാഷ്‌ട്രീയ പ്രവർത്തകനുമായ കുമാർ സി കുടുംബ സമേതമാണ് വോട്ട് ചെയ്യാൻ എത്തിയത്.
നടൻ അരുൺ വിജയ്, നടി പ്രീത ഹരി, നടൻ പ്രഭു, ആൻഡ്രിയ, യോഗി ബാബു, ഐശ്വര്യ രജനികാന്ത്, മൻസൂർ അലി ഖാൻ,
സംഗീത സംവിധായകൻ ഇളയരാജ, ശിവകാർത്തികേയൻ, യുവതാരം ഹാരിഷ് കല്യാൺ, ശശി കുമാർ,
സംവിധായകൻമാരായ വെട്രിമാരൻ, ലിങ്കുസ്വാമി, ഭാരതി രാജ എന്നിവരും തങ്ങളുടെ വോട്ടുകൾ രേഖപ്പെടുത്തി.
