ഹാക്ക് ചെയ്ത ഫേസ്ബുക്ക് പേജ് വീണ്ടെടുത്തെന്ന് അറിയിച്ച് നടൻ വിഷ്ണു ഉണ്ണികൃഷ്ണൻ. പാകിസ്താനിൽ നിന്നാണ് ഹാക്കർ ലോഗിൻ ചെയ്തതെന്നും 24 മണിക്കൂറിനുള്ളിൽ തന്നെ പേജ് വീണ്ടെടുക്കാനായെന്നും നടൻ പറഞ്ഞു. തനിക്കൊപ്പം നിന്ന എല്ലാവർക്കും നന്ദി അറിയിക്കുന്നു എന്നും സമൂഹമാദ്ധ്യമങ്ങളിൽ പങ്കുവച്ച കുറിപ്പിലൂടെ വിഷ്ണു പറഞ്ഞു.
View this post on Instagram
വിഷ്ണു ഉണ്ണികൃഷ്ണന്റെ കുറിപ്പ്
എന്റെ ഫേസ്ബുക്ക് പേജ് തിരികെ കിട്ടി. പേജിലെ പോസ്റ്റുകൾ കണ്ട് ഹാക്ക് ചെയ്തതാണെന്ന് മനസിലാക്കി ഉടൻ തന്നെ അക്കാര്യം എന്നെ അറിയിക്കാൻ ശ്രമിച്ച ആയിരക്കണക്കിന് സുഹൃത്തുക്കൾക്ക് നന്ദി. എന്റെ ഫേസ്ബുക്ക് പേജ് ആരോ ഹാക്ക് ചെയ്ത് ഇന്നലെ മുതൽ പല തരത്തിലുള്ള അശ്ലീല വീഡിയോകളും പോസ്റ്റ് ചെയ്തിരുന്നു. ചിലരോട് പണം ആവശ്യപ്പെട്ട് മെസേജ് അയച്ചതായും അറിഞ്ഞു.
ഇന്നലെ രാത്രി തന്നെ സൈബർ സെല്ലിൽ വിവരം അറിയിക്കുകയും ഫേസ്ബുക്കിൽ റിപ്പോർട്ട് ചെയ്യുകയും ചെയ്തിരുന്നു. ഈ വിഷയത്തിൽ അടിയന്തിരമായി ഇടപെടുകയും 24 മണിക്കൂറിനുള്ളിൽ പേജ് തിരിച്ചു പിടിച്ചു തരുകയും ചെയ്യാൻ സഹായിച്ചവർക്ക് നന്ദി പറയുന്നുവെന്നും താരം പറഞ്ഞു. ഒപ്പം പേജ് വീണ്ടെടുത്തെന്ന് അറിയിച്ച് ഒരു സ്ക്രീൻ ഷോട്ടും വിഷ്ണു പങ്കുവച്ചു.
