എല്ലാ സീസണിലും ഐപിഎല്ലിൽ റോയൽ ചലഞ്ചേഴ്‌സ് ബെംഗളൂരു ഒരുപോലെ ആണ്. ടീമിന്റെ പേര് മാറ്റി, ജഴ്‌സിയുടെ നിറം മാറ്റി അങ്ങനെ അടിമുടി മാറ്റങ്ങളുമായാണ് ഈ സീസണിൽ ഈ സാലാ കപ്പ് നംഡേ എന്ന മുദ്രവാദ്യവുമായി ആർസിബി എത്തിയത്. 8 മത്സരങ്ങളിൽ നിന്ന് ഒരു ജയം മാത്രമുള്ള ആർസിബി പോയിന്റ് പട്ടികയിൽ അവസാന സ്ഥാനത്താണ്. മറ്റൊരു സീസണിൽ കൂടി പ്ലേ ഓഫ് കാണാതെ പുറത്താകലിന്റെ വക്കിലാണ് നിലവിൽ ടീം. ഇന്ന് ഹൈദരാബാദിനെതിരെയുള്ള മത്സരവും വരാനിരിക്കുന്ന 6 മത്സരങ്ങളും വൻ മാർജിനിൽ വിജയിക്കുകയും, മറ്റു ടീമുകളുടെ മത്സരഫലം കൂടി നോക്കിയാൽ മാത്രമേ ബെംഗളൂരുവിന് പ്ലേ ഓഫിലേക്ക് വാതിൽ തുറക്കൂ.
സാധ്യതകൾ
ഇനിയുള്ള മത്സരങ്ങൾ വിജയിച്ചാൽ ആർസിബിക്ക് 14 പോയിന്റാകും. നിലിവിൽ പോയിന്റ് ടേബിളിൽ ഒന്നും രണ്ടും സ്ഥാനത്തുള്ള രാജസ്ഥാനും കൊൽക്കത്തയും ബാക്കിയുള്ള മത്സരവും ജയിച്ച് അതേ സ്ഥാനങ്ങളിൽ തുടരണം. െൈഹദരാബാദ് ഇന്ന് തോൽക്കുകയും മറ്റ് മത്സരങ്ങൾ ജയിച്ച് 3-ാം സ്ഥാനത്ത് എത്തുകയും വേണം. മറ്റു ടീമുകളുടെ മത്സരഫലം കൂടി അനുകൂലമായാൽ 4-ാം സ്ഥാനക്കാരായി ആർസിബി പ്ലേ ഓഫിന് യോഗ്യത നേടും.
ആർസിബിയുടെ ശേഷിക്കുന്ന മത്സരങ്ങൾ ഹൈദരാബാദ്, ഗുജറാത്ത്(2), പഞ്ചാബ് കിംഗ്‌സ്, ഡൽഹി ക്യാപിറ്റൽസ്, ചെന്നൈ സൂപ്പർ കിംഗ്‌സ് എന്നീ ടീമുകൾക്കെതിരെയാണ്.
