ന്യൂഡൽഹി: ഓക്സ്ഫോർഡ് യൂണിയനിൽ ഇന്ത്യൻ മാദ്ധ്യമപ്രവർത്തകയായ പാൽകി ശർമ്മ നടത്തിയ പ്രസംഗത്തെ അഭിനന്ദിച്ച് പ്രധാനമന്ത്രി നരേന്ദ്രമോദി. കഴിഞ്ഞ ഒരു വർഷം മുൻപ് നടത്തിയ പ്രസംഗം അടുത്തിടെ വീണ്ടും സമൂഹമാദ്ധ്യമങ്ങളിൽ വ്യാപകമായി പ്രചരിക്കുകയായിരുന്നു. ” മോദീസ് ഇന്ത്യ ഈസ് ഓൺ ദ റൈറ്റ് പാത്ത്” എന്ന് വിഷയത്തിൽ പ്രധാനമന്ത്രിയുടെ പ്രവർത്തനങ്ങളെ പ്രശംസിച്ചും അനുകൂലിച്ചുമാണ് പാൽകി ശർമ്മ സംസാരിക്കുന്നത്.
പ്രസംഗം അടുത്തിടെ വീണ്ടും സമൂഹമാദ്ധ്യമങ്ങളിൽ പിന്നാലെ വിശദീകരണവുമായി പാൽകി ശർമ്മ രംഗത്തെത്തിയിരുന്നു. ഒരു വർഷം മുൻപ് താൻ നടത്തിയ പ്രസംഗമാണിതെന്നും, ഇന്നും അനേകം ആളുകൾ ഈ വാക്കുകൾ ശ്രദ്ധിക്കുന്നുവെന്നത് തന്നെ അത്ഭുതപ്പെടുത്തുന്നു എന്നുമാണ് പാൽകി ശർമ്മ സമൂഹമാദ്ധ്യമത്തിൽ കുറിച്ചത്. ഇതിന് മറുപടിയായിട്ടാണ് പ്രധാനമന്ത്രി നരേന്ദ്രമോദി പാൽകിയെ പ്രശംസിച്ചത്. ” ഇന്ത്യയിൽ നടക്കുന്ന വലിയ മാറ്റങ്ങളുടേയും വികസനത്തിന്റെയും കാഴ്ച്ച നിങ്ങൾ നൽകിയെന്നാണ്” പ്രധാനമന്ത്രി പാൽകിയുടെ പ്രസംഗം പങ്കുവച്ച് കൊണ്ട് കുറിച്ചത്.
പ്രധാനമന്ത്രിയുടെ നേതൃത്വത്തിൽ രാജ്യത്ത് നടക്കുന്ന അതിശയകരമായ മാറ്റങ്ങളെ കുറിച്ചാണ് പാൽകി പ്രധാനമായും സംസാരിക്കുന്നത്. ” രാജ്യത്തിന്റെ പാല കാലങ്ങളിലും ഞാൻ ജീവിച്ചിട്ടുണ്ട്. ആഗോള അഭിപ്രായങ്ങളുടെ അടിസ്ഥാനത്തിൽ മാത്രം നിലപാടുകൾ സ്വീകരിച്ചിരുന്ന ഒരു ഇന്ത്യ ഉണ്ടായിരുന്നു. അവർക്ക് സ്വന്തമായ നിലപാടുകൾ ഉണ്ടായിരുന്നില്ല. എന്നാൽ ഇന്ന് അതിനെല്ലാം മാറ്റം വന്നിരിക്കുകയാണ്. ആത്മവിശ്വാസമുള്ള ഇന്ത്യയാണ് ഇന്ന് ലോകത്തിന് മുന്നിൽ നിൽക്കുന്നത്.
ഭീകരവാദത്തോട് സഹിഷ്ണുത കാണിക്കുന്ന ഭീരുവായ ഒരു നേതൃത്വമല്ല ഇന്നുള്ളത്. പുൽവാമ ആക്രമണത്തിന് മറുപടിയായി പാകിസ്താനിലെ ബാലാകോട്ടിൽ ഇന്ത്യ തിരിച്ചടിച്ചു. ആളുകളെ ശാക്തീകരിച്ച് കൊണ്ട് മുന്നോട്ട് പോകുന്ന ഇന്ത്യയാണ് ഇന്നുള്ളത്. കശ്മീരിൽ ആർട്ടിക്കിൾ 370 റദ്ദാക്കിയതിന് ശേഷമുള്ള പുരോഗതി” അടക്കം പാൽകി തന്റെ പ്രസംഗത്തിനിടെ ചൂണ്ടിക്കാട്ടിയിരുന്നു.
