“അപ്പടി പോട് ” പാട്ടിനൊപ്പം ചുവടുവെച്ച് ആരാധകർ; ആവേശം അതിരുകടന്നു; യു.കെ യിൽ ‘ഗില്ലി’യുടെ പ്രദർശനം തടസ്സപ്പെട്ടു

ലണ്ടൻ : ധരണിയുടെ സംവിധാനത്തിൽ വിജയ് , തൃഷ എന്നിവരഭിനയിച്ച് തകർത്തോടിയ തമിഴ് ചിത്രമാണ് ‘ഗില്ലി’. ഈ അടുത്തിടെയാണ് ചിത്രം റീറിലീസ് ചെയ്തത്. റീറിലീസിന് ശേഷവും വൻ സ്വീകരണമാണ് ഇന്ത്യയ്‌ക്കകത്തും പുറത്തും പ്രേക്ഷകരിൽ നിന്ന് ചിത്രത്തിന് ലഭിക്കുന്നത്.

എന്നാൽ ആരാധക ആവേശം അതിരുകടന്നതുമൂലം ചിത്രത്തിന്റെ പ്രദർശനം തടസ്സപ്പെട്ടിരിക്കുകയാണ് ഇപ്പോൾ . ലണ്ടനിലാണ് അമിതമായ ആരാധക പ്രകടനം പ്രദർശനം മുടക്കിയത്. ചിത്രത്തിലെ “അപ്പടി പോട് ” ഗാനത്തിനിടെയായിരുന്നു സംഭവം. പാട്ടിനൊപ്പം കരഘോഷത്തോടെ തീയറ്ററിൽ ചുവടുവച്ച ആരാധകരെ പൂട്ടാൻ അവസാനം പോലീസിനെ തന്നെ നിയോഗിക്കേണ്ടിവന്നു തീയറ്റർ അധികൃതർക്ക്. ഒപ്പം ഷോയും നിർത്തിവച്ചു.പിന്നീട് ആരാധകരും തീയറ്റർ അധികൃതരും തമ്മിൽ ധാരണയിലെത്തിയ ശേഷമാണ് പ്രദർശനം തുടർന്നത്.

Show stopped and so much mad stuff happening at the #GhilliReRelease #Ghilli4K in london never seen such scenes in 02 @VijayFansTrends pic.twitter.com/pVXeSfUzGx

— sampath (@sampathganesh11) April 25, 2024

രണ്ടാം വരവിലും വൻ പ്രേക്ഷക സ്വീകാര്യതയാണ് ‘ഗില്ലി’ ക്ക് ലഭിക്കുന്നത്. 6 ദിവസം കൊണ്ട് 20 കോടി കളക്ഷൻ നേടിയ ചിത്രം പുതിയ തമിഴ് ചിത്രങ്ങളെപ്പോലും വെല്ലുന്ന തരത്തിലാണ് പ്രദർശനം തുടരുന്നത്. 2004 ൽ പുറത്തിറങ്ങിയ ചിത്രം കോളീവുഡിൽ നിന്ന് ആദ്യ 50 കോടി കളക്ഷൻ നേടിയ ചിത്രം കൂടിയായിരുന്നു. ചിത്രത്തിലെ ഗാനങ്ങളും സൂപ്പർഹിറ്റായിരുന്നു. വിദ്യാസാഗറായിരുന്നു ചിത്രത്തിന് ഈണം നൽകിയിരുന്നത്.