കൗതുകമുണർത്തുന്ന വാർത്തകൾ സമൂഹമാദ്ധ്യമങ്ങളിലൂടെ പങ്കുവയ്ക്കുന്നതിൽ വളരെയധികം താത്പര്യം പുലർത്തുന്ന വ്യക്തിയാണ് മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്ര. നാം അധികം ശ്രദ്ധിക്കാതെ പോകുന്ന പല കാര്യങ്ങളും അദ്ദേഹം എക്സിലൂടെ പങ്കുവച്ച് ജനങ്ങളിലേക്കെത്തിക്കാൻ താത്പര്യം പ്രകടിപ്പിക്കാറുണ്ട്. അത്തരത്തിൽ പ്രകൃതിയുടെ മനോഹാരിതയാണ് ഇപ്പോൾ സമൂഹമാദ്ധ്യമങ്ങളിൽ അദ്ദേഹം പങ്കുവച്ചിരിക്കുന്നത്.
കോടമഞ്ഞ് പുതച്ച് ആകാശം തൊട്ടു നിൽക്കുന്ന വിധത്തിൽ മഹാരാഷ്ട്രയിലെ കൽസുബായി മലനിരകളാണ് അദ്ദേഹത്തെ ഇപ്പോൾ ആകർഷിച്ചിരിക്കുന്നത്. മലനിരകളിലേക്കെത്താനുള്ള പാലത്തിന്റെ ദൃശ്യങ്ങളും ആനന്ദ് മഹീന്ദ്ര പങ്കുവച്ചിട്ടുണ്ട്. ആകാശത്തിന്റെ മുകളിലൂടെ നടക്കുന്നത് പോലുള്ള പ്രതീതിയാണ് ഇതെന്നും അദ്ദേഹം പറയുന്നു.
” ഞങ്ങളുടെ എഞ്ചിൻ ഫാക്ടറിക്കടുത്തുള്ള മഹാരാഷ്ട്രയില കൽസുബായി മലനിരകൾ. ഞാൻ ഒരുപാട് തവണ ഇഗത്പുരിയിലേക്ക് യാത്ര നടത്തിയിട്ടുണ്ടെങ്കിലും ഈ മലനിരകളുടെ സൗന്ദര്യം എനിക്ക് ആസ്വദിക്കാൻ സാധിച്ചിരുന്നില്ല. നമ്മുടെ ജീവിതം ആസ്വദിക്കാൻ ഇനിയെങ്കിലും സമയം കണ്ടെത്തണം. തിരക്കുകൾ മാറ്റിവച്ച് പനിനീർ പൂക്കളുടെ സുഗന്ധം തിരിച്ചറിയൂ.”- ആനന്ദ് മഹീന്ദ്ര കുറിച്ചു.
This is Mt. Kalsubai in Maharashtra near Igatpuri, Near our Engine Factory.
I’ve been to Igatpuri several times but never heard about this place & its beauty. Let alone visiting it.
We definitely need to take time in life to “Stop & smell the roses.”
pic.twitter.com/6pzbD5Appy— anand mahindra (@anandmahindra) April 27, 2024
എക്സിലൂടെ ആനന്ദ് മഹീന്ദ്ര പങ്കുവച്ച വീഡിയോ നിരവധി ആളുകളാണ് കണ്ടത്. വളരെ മനോഹരമായിരിക്കുന്നുവെന്നും സ്വർഗത്തിലേക്കുള്ള കവാടമെന്നും പറഞ്ഞ് നിരവധി പേരാണ് അഭിപ്രായങ്ങളുമായി രംഗത്തെത്തിയത്.