നൂതന ആശയങ്ങളുമായി ആഡംബര ഫാഷൻ കമ്പനികളെത്തുന്നത് പതിവ് കാഴ്ചയാണ്. തീർത്തും വ്യത്യസ്തമായ ട്രെൻഡ് ഒരുക്കുന്ന ഇക്കൂട്ടർ ഉയർന്ന നിരക്കിലായിരിക്കും ഉത്പന്നം വിപണിയിലെത്തിക്കുന്നത്. അത്തരമൊരു ഉത്പന്നമാണ് ഇപ്പോൾ സോഷ്യൽ മീഡിയ ഏറ്റെടുത്ത് വൈറലാക്കിയത്. ഡെനിം പാന്റാണ് താരം. സ്വന്തമാക്കണമെങ്കിൽ രൂപ 50,000 എണ്ണിക്കൊടുക്കുകയും വേണം.
ബ്രിട്ടീഷ്-ഇറ്റാലിയൻ ബ്രാൻഡ് പുറത്തിറക്കിയ Pee Stain പാന്റാണിത്. പാന്റിൽ മൂത്രമൊഴിച്ച പോലെ തോന്നിപ്പിക്കുന്നുവെന്നതാണ് ഇതിനെ വ്യത്യസ്തമാക്കുന്നത്. വിചിത്രമായ ഈ ആശയം കൊണ്ടുവന്നത് ഡിസൈനർമാരായ ലൂക്ക മാർകെറ്റോയും ജോർദാൻ ബോവനും ചേർന്നാണ്. ഇരുവരും ജോർദാൻലൂക്ക എന്നാണ് ഫാഷൻ ലോകത്ത് അറിയപ്പെടുന്നത്. ഇവരുടെ ഇൻസ്റ്റഗ്രാം പേജിന്റെ പേരും ഇതുതന്നെയാണ്.
പാന്റിന്റെ ഒറിജിനൽ വേർഷന് 811 ഡോളറാണ് വില. പൊള്ളുന്ന നിരക്കായതിനാൽ ഇതിന്റെ ലൈറ്റർ-വേർഷനും അവതരിപ്പിച്ചിട്ടുണ്ട്. അതിന് $608 കൊടുത്താൽ മതിയാകും. അതായത് 50,000 രൂപ. ഓൺലൈൻ ലോകത്ത് ഏറെ വിമർശനങ്ങളുണ്ടാക്കിയ ഈ വിചിത്ര ജീൻസ്, പീ സ്റ്റെയിൻ ഡെനിം (“pee stain denim”) എന്നാണ് അറിയപ്പെടുന്നത്. കഴിഞ്ഞ വർഷമാണ് ജീൻസ് പുറത്തിറങ്ങിയതെങ്കിലും വൈറലായത് ഇപ്പോഴാണെന്ന് മാത്രം.
View this post on Instagram
