രാജസ്ഥാൻ റോയൽസ് നായകൻ സഞ്ജു സാംസണ് ആശംസയുമായി ഹൈദരാബാദ് പിച്ച് ക്യുറേറ്റർ. ടി20 ലോകകപ്പിന് സ്ഥാനം ഉറപ്പിച്ചതിന് പിന്നാലെയാണ് മലയാളി താരത്തിന് ആശംസകൾ അറിയിച്ചത്. രാജസ്ഥാൻ റോയൽസാണ് വീഡിയോ പങ്കുവച്ചത്. രാജ്യത്തിനായി കിരീടം നേടാൻ മലയാളി താരത്തിന് കഴിയുമെന്നും അദ്ദേഹം പ്രത്യാശ പ്രകടിപ്പിച്ചു.
‘രാജ്യത്തിനായി കളിക്കൂ..നിങ്ങൾക്ക് ബാറ്റുകൊണ്ട് അത്ഭുതങ്ങൾ സൃഷ്ടിക്കാനാകും. വലിയൊരു വിജയവുമായാരിക്കും നമ്മുടെ ടീം മടങ്ങി വരിക. നിങ്ങൾക്ക് രാജ്യത്തിനായി കിരീടം ഉയർത്താനാകും. എന്റെ അനുഗ്രഹവും പ്രാർത്ഥനകളും എപ്പോഴുമുണ്ടാകും”-പിച്ച് ക്യുറേറ്റർ പറഞ്ഞു.
ഐപിഎല്ലിലെ മികച്ച പ്രകടനമാണ് രാജസ്ഥാൻ നായകന് ലോകകപ്പ് ടീമിൽ ഇടം നൽകിയത്. 9 മത്സരങ്ങളിൽ നിന്ന് നാല് അർദ്ധശതകം അടക്കം ഇതുവരെ 385 റൺസ് നേടാൻ സഞ്ജു സാംസണ് കഴിഞ്ഞു. അവസാന മത്സരത്തിൽ ലക്നൗവിനെതിരെ 52 പന്തിൽ 82 റൺസ് നേടി പുറത്താകാതെ നിന്ന് ടീമിനെ വിജയത്തിലേക്ക് നയിക്കാനും സഞ്ജുവിനായി.
“You’ll do it.” Blessings from those who curate the pitches in our country. 💗 pic.twitter.com/782TYLRhMX
— Rajasthan Royals (@rajasthanroyals) May 1, 2024
“>