വിരാട് കോലിക്ക് നേരെയുള്ള വിമർശനങ്ങളെ പൊളിച്ചടുക്കി ക്രിക്കറ്റ് ഇതിഹാസം എബി ഡിവില്ലേഴ്സ്. ക്രിക്കറ്റിലെ എക്കാലത്തെയും മികച്ച താരങ്ങളിൽ ഒരാളാണ് കോലിയെന്നും അവിശ്വസനീയമായ പ്രകടനമാണ് കാഴ്ചവയ്‌ക്കുന്നതെന്നും എബിഡി പറഞ്ഞു. വിരാട് കോലിയുടെ സ്ട്രെെക്ക് റേറ്റിനെ വിമർശിക്കുന്നവർക്കുള്ള മറുപടിയായിരുന്നു പ്രതികരണം.
ആരാധകർ ഉൾപ്പെടെ കോലിയുടെ സ്ട്രെെക്ക് റേറ്റിൽ വിമർശനം ഉന്നയിക്കുകയാണ്. വളരെ കാലമായി അദ്ദേഹത്തിന് നേരെ വിമർശനങ്ങൾ ഉയരുന്നുണ്ട്. ഐപിഎല്ലിൽ ആർസിബിക്ക് വേണ്ടി ഉഗ്രൻ പ്രകടനമാണ് അദ്ദേഹം തുടരുന്നത്. എക്കാലത്തെയും മികച്ച താരങ്ങളിൽ ഒരാളുമാണ്. കൃത്യമായ ധാരണകളില്ലാതെ അദ്ദേഹത്തെ വിമർശിക്കാൻ നിൽക്കരുത്. വിമർശനങ്ങൾ ഉയർത്തുന്നവർ ഐപിഎല്ലിൽ എത്ര മത്സരങ്ങൾ കളിച്ചെന്നും സെഞ്ച്വറികൾ നേടിയെന്നും എബിഡി ചോദിച്ചു.
നിലവിൽ ഐപിഎല്ലിലെ റൺവേട്ടക്കാരുടെ പട്ടികയിൽ രണ്ടാമതാണ് താരം. 10 മത്സരങ്ങളിൽ റൺസാണ് കോലി നേടിയത്. ഐപിഎല്ലിൽ ഏറ്റവും കൂടുതൽ തവണ 500-ലധികം റൺസ് എന്ന റെക്കോർഡും കോലിയുടെ പേരിലാണ് (7 തവണ).
