തിരുവനന്തപുരം: സംസ്ഥാനത്തെ കൊടും ചൂടിന് ആശ്വാസം. ഉഷ്ണതരംഗ മുന്നറിയിപ്പ് പിൻവലിച്ചു. തിങ്കളാഴ്ച വരെ താപനില മുന്നറിയിപ്പ് തുടരും. സാധാരണയേക്കാൾ രണ്ട് മുതൽ നാല് ഡിഗ്രി സെൽഷ്യസ് വരെ താപനില ഉയരും.
വയനാടും ഇടുക്കിയും ഒഴികെ മറ്റ് 12 ജില്ലകളിൽ യെല്ലോ അലർട്ട് തുടരും. വരും ദിവസങ്ങളിൽ വ്യാപകമായി മഴ ലഭിക്കാൻ സാധ്യതയുണ്ടെന്നും ഇത്തവണ ശക്തമായ മൺസൂൺ ലഭിക്കുമെന്നും കാലാവസ്ഥ വകുപ്പ് അറിയിച്ചു.
കള്ളക്കടൽ പ്രതിഭാസത്തിന്റെ ഭാഗമായി കേരള തീരത്തെ റെഡ് അലർട്ടും പിൻവലിച്ചിട്ടുണ്ട്. കേരള തീരത്ത് ഓറഞ്ച് അലർട്ടാണ് നൽകിയിട്ടുള്ളത്. രാത്രി എട്ട് മണിയോടെ കടലാക്രമണ സാധ്യതയും പ്രവചിക്കുന്നുണ്ട്.