ടി20 ലോകകപ്പിനുള്ള ഔദ്യോഗിക ജഴ്സി പുറത്തിറക്കി ഇന്ത്യൻ ടീം. ധരംശാലയിൽ വ്യത്യസ്ത രീതിയിലാണ് ജഴ്സി പുറത്തിറക്കൽ നടന്നത്. നായകൻ രോഹിത് ശ‌‍ർമ്മ,കുൽദീപ് യാദവ്, രവീന്ദ്ര ജഡേജ എന്നിവരുടെ സാന്നിദ്ധ്യത്തിലാണ് സ്റ്റേഡിയത്തിൽ ഹെലികോപ്റ്ററിൽ ജഴ്സി എത്തിച്ചത്. ഇതിന്റെ ഒരു സ്നീക് പീക് വീഡിയോ കിറ്റ് സ്പോൺസ‍ർമാരായ അഡിഡാസ് എക്സിൽ പങ്കിട്ടുണ്ട്.
2019ലെ ഏകദിന ലോകകപ്പില്‍ ഇന്ത്യ ധരിച്ച ജഴ്സിക്ക് സമാനമാണ് ടി20 ലോകകപ്പിനുള്ള ജഴ്സിയെന്നാണ് ആരാധകരുടെ അഭിപ്രായം. ബോഡിയിൽ കടും നീലയും കൈകളിൽ ഓറഞ്ചും ചേർന്ന ജഴ്സിയുടെ വി ഷേപ്പിലുള്ള കഴുത്തില്‍ ദേശീയ പതാകയ്‌ക്ക് സമാനമായാണ് ഡിസൈൻ നൽകിയിട്ടുള്ളത്.
പുറത്തിറക്കിയ ജഴ്സി നാളെ മുതൽ സ്റ്റോറുകളിൽ ലഭ്യമാകുമെന്ന് അഡിഡാസ് വ്യക്തമാക്കി. ഔദ്യോഗികമായി ജഴ്സി പുറത്തിറക്കും മുൻപ് ജഴ്സിയുടെ ചിത്രങ്ങൾ പുറത്തുവന്നത് ബിസിസിഐക്ക് വലിയ അതൃപ്തിയുണ്ടാക്കിയിരുന്നു.
One jersey. One Nation.
Presenting the new Team India T20 jersey.Available in stores and online from 7th may, at 10:00 AM. pic.twitter.com/PkQKweEv95
— adidas (@adidas) May 6, 2024
