പത്മവിഭൂഷൺ പുരസ്കാരം ഏറ്റുവാങ്ങി തെലുങ്ക് സൂപ്പർ സ്റ്റാർ ചിരഞ്ജീവി. ഇന്നലെ രാഷ്ട്രപതി ഭവനിൽ നടന്ന ചടങ്ങിലായിരുന്നു താരത്തിന് പുരസ്കാരം സമ്മാനിച്ചത്. കുടുംബസമേതമാണ് താരം ചടങ്ങിൽ പങ്കെടുത്തത്. ശേഷം ചടങ്ങിൽ നിന്നുള്ള ചിത്രങ്ങളും രാം ചരൺ സമൂഹമാദ്ധ്യമങ്ങളിൽ പങ്കുവച്ചിരുന്നു.
View this post on Instagram
പിതാവിന് ലഭിച്ച പത്മവിഭൂഷൺ പുരസ്കാരത്തിന്റെ ചിത്രവും താരം പങ്കുവച്ചു. ‘അഭിനന്ദനങ്ങൾ, അങ്ങയെ കുറിച്ച് ഓർത്ത് എനിക്ക് അഭിമാനം തോന്നുന്നു.’ എന്ന കുറിപ്പോടെയായിരുന്നു രാം ചരൺ ചിത്രങ്ങൾ പങ്കുവച്ചത്. രാഷ്ട്രപതിയിൽ നിന്ന് ചിരഞ്ജീവി പുരസ്കാരം സ്വീകരിക്കുന്നതിന്റെ വീഡിയോയും രാം ചരൺ പങ്കുവച്ചിട്ടുണ്ട്.
View this post on Instagram
പുരസ്കാരം ലഭിച്ചതിന് പിന്നാലെ ചിരഞ്ജീവി പ്രിയപ്പെട്ടവരോട് നന്ദി അറിയിച്ച് രംഗത്തെത്തി. സിനിമാ ജീവിതത്തിൽ തനിക്കൊപ്പം നിന്നവർക്കും പ്രിയപ്പെട്ട ആരാധകർക്കും നന്ദി. അഭിമാനകരമായ ഈ ബഹുമതി നൽകിയതിന് കേന്ദ്ര സർക്കാരിനും നന്ദി.’ ചിരഞ്ജീവി എക്സിൽ കുറിച്ചു.