റിവ്യൂ ബോംബിംഗ് നടത്തിയതിന് യൂട്യൂബർ അശ്വന്ത് കോക്കിനെതിരെ പരാതിയുമായി നിർമാതാവ് സിയാദ് കോക്കർ. തന്റെ പുതിയ ചിത്രമായ മാരിവില്ലിൻ ഗോപുരങ്ങൾ എന്ന സിനിമയ്‌ക്ക് സമൂഹമാദ്ധ്യമങ്ങളിലൂടെ മോശം റിവ്യൂ നൽകിയതിനെതിരെയാണ് പരാതി നൽകിയിരിക്കുന്നത്. അതേസമയം വിവാദമായ റിവ്യൂ അശ്വന്ത് കോക്ക് തന്റെ യൂട്യൂബിൽ നിന്ന് പിൻവലിക്കുകയും ചെയ്തിട്ടുണ്ട്.
റിവ്യൂ ബോംബിംഗിനെതിരെ നിരവധി പരാതികൾ ഹൈക്കോടതിയിൽ നിലനിൽക്കെയാണ് സിയാദ് കോക്കറും രംഗത്തെത്തിയിരിക്കുന്നത്. അടുത്തിടെ റിലീസ് ചെയ്ത ആരോമലിന്റെ അതിഥികൾ എന്ന ചിത്രത്തിന്റെ സംവിധായകൻ മുബീൻ റൗഫും റിവ്യൂ ബോംബിംഗിനെതിരെ ഹൈക്കോടതിയിൽ ഹർജി നൽകിയിരുന്നു.
റിവ്യൂ ബോംബിംഗിൽ ഹൈക്കോടതി അമിക്കസ് ക്യൂറിയെ നിയോഗിച്ചിരുന്നു. സിനിമ റിലീസ് ചെയ്ത് രണ്ട് ദിവസം കഴിഞ്ഞ് മാത്രമേ സമൂഹമാദ്ധ്യമങ്ങളിൽ റിവ്യൂ നൽകാൻ പാടുള്ളു എന്നാണ് അമിക്കസ് ക്യൂറിയുടെ റിപ്പോർട്ടിൽ പറയുന്നത്.
