തിരുവനന്തപുരം: സംസ്ഥാനത്ത് ഇന്നും ശക്തമായ മഴക്ക് സാധ്യത. മഴക്കെടുതി കണക്കിലെടുത്ത് ഇന്ന് രണ്ട് ജില്ലകളിൽ ഓറഞ്ച് അലർട്ടും ഒൻപത് ജില്ലകളിൽ യെല്ലോ അലർട്ടും പുറപ്പെടുവിച്ചു. നാളെ ഏഴ് ജില്ലകളിൽ യെല്ലോ അലര്ട്ടും മൂന്ന് ജില്ലകളിൽ ഓറഞ്ച് അലര്ട്ടുമാണ് നൽകിയിരിക്കുന്നത്. ചൊവ്വാഴ്ച വരെ കേരളത്തിലെ ചില ജില്ലകളിൽ ഒറ്റപ്പെട്ടയിടങ്ങളിൽ അതിശക്ത മഴയ്ക്കു സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പിന്റെ അറിയിപ്പ്.
ഇന്ന് ഓറഞ്ച് അലർട്ട്: പാലക്കാട്,മലപ്പുറം,ജില്ലകൾക്ക്.
ഇന്ന് യെല്ലോ അലർട്ട്: തിരുവനന്തപുരം,കൊല്ലം,പത്തനംതിട്ട, ആലപ്പുഴ,ഇടുക്കി, കോഴിക്കോട്, വയനാട് ജില്ലകൾക്ക്.
ഞായറാഴ്ച ഓറഞ്ച് അലർട്ട്: പത്തനംതിട്ട, ആലപ്പുഴ, ഇടുക്കി ജില്ലകൾക്ക്.
ഞായറാഴ്ച യെല്ലോ അലർട്ട്: തിരുവനന്തപുരം, കൊല്ലം, കോട്ടയം, എറണാകുളം, പാലക്കാട്, മലപ്പുറം ജില്ലകൾക്ക്.
ശക്തമായ കാറ്റും മോശം കാലാവസ്ഥക്കും സാധ്യതയുള്ളതിനാൽ ഇനിയൊരു അറിയിപ്പുവരെ കേരള തീരത്തുനിന്നു കടലിൽ പോകാൻ പാടില്ലെന്ന് സംസ്ഥാന ദുരന്ത നിവാരണ അതോറിറ്റി അറിയിച്ചു. സംസ്ഥാനത്തിന്റെ കിഴക്കൻ മേഖലകളിൽ മഴ ശക്തമാകാനാണ് സാധ്യത.
