ഛത്രപതി ശിവജി മഹാരാജിന്റെ ജീവിതത്തെ ആസ്പദമാക്കി ചിത്രം നിർമ്മിക്കാൻ OMG 2 ചിത്രത്തിന്റെ സംവിധായകനും എഴുത്തുകാരനുമായ അമിത് റായ് . ഷാഹിദ് കപൂർ ഈ ചിത്രത്തിൽ ടൈറ്റിൽ റോളിലെത്തിയേക്കുമെന്ന് അടുത്തിടെ റിപ്പോർട്ടുകളുണ്ടായിരുന്നു.
“ഈ റോളിലേക്ക് ഷാഹിദാണ് എന്റെ ആദ്യ ചോയ്സ്. അദ്ദേഹത്തിന് കഥ ഇഷ്ടപ്പെട്ടു. ചിത്രത്തിന്റെ ജോലികൾ ആരംഭിച്ചു. ഇത് ഇതുവരെ ചെയ്തിട്ടില്ലാത്ത ഒരു വ്യത്യസ്ത രീതിയിലുള്ള സിനിമയാണ്.” എന്നാണ് അമിത് റായ് പറയുന്നത് .
“എനിക്ക് ശിവഭഗവാനിൽ ഏറെ വിശ്വാസമുണ്ട് , ഛത്രപതി ശിവാജി മഹാരാജിലും എനിക്ക് അതേ വിശ്വാസമുണ്ട്. OMG 2 നിർമ്മിക്കുമ്പോൾ, എനിക്ക് ഒരു തെറ്റും സംഭവിക്കില്ലെന്ന് എനിക്കറിയാമായിരുന്നു. അതേ വിശ്വാസം ഈ സിനിമയിലും ഉണ്ട്. ഈ കഥ ഛത്രപതി ശിവജിയെ കുറിച്ച് കൂടുതൽ അറിയാൻ ആളുകൾക്ക് അവസരം നൽകും.“ അമിത് റായ് പറയുന്നു.
അമിത് തന്നെയാണ് ചിത്രത്തിന്റെ കഥയും എഴുതിയിരിക്കുന്നത്. “ഛത്രപതി ശിവാജി മഹാരാജിന്റെ ജീവിതത്തിലെ 120 ദിവസങ്ങൾ ആ ദിവസങ്ങളിൽ ചില സംഭവങ്ങൾ ഉണ്ടായി, അതിനെ അടിസ്ഥാനമാക്കിയുള്ള ഒരു ത്രില്ലർ ചിത്രമാണിത്. നമുക്ക് നല്ല നടന്മാരുണ്ട് . ഷാഹിദ് അതിന് ഉത്തമ ഉദാഹരണമാണ്. അദ്ദേഹത്തിന് സ്റ്റാർ വാല്യൂ ഉണ്ട്, അതിശയിപ്പിക്കുന്ന നടൻ കൂടിയാണ് അദ്ദേഹം. “ അമിത് റായ് പറഞ്ഞു.
ഹിന്ദിയിൽ നിർമ്മിക്കുന്ന സിനിമ യഥാർത്ഥ ലൊക്കേഷനിൽ ചിത്രീകരിക്കുന്നതിനായി അമിത് റായ് ആർക്കിയോളജി ഡിപ്പാർട്ട്മെൻ്റുമായും സംസാരിക്കുന്നുണ്ട് . ‘ സിനിമയുടെ ജോലികൾ തുടങ്ങിയിട്ട് അഞ്ചാറു മാസമായി. യഥാർത്ഥ ലൊക്കേഷനിൽ മാത്രമേ ഷൂട്ടിംഗ് നടക്കൂ. ഇപ്പോൾ ഹിന്ദിയിൽ മാത്രമാണ് ഞാൻ ഈ ചിത്രം നിർമ്മിക്കുന്നത്. മറാത്തിയിൽ ഞാനിത് ചെയ്യുന്നില്ല. ഒരു പ്രാദേശിക സിനിമയായി മാറും, ശിവജി മഹാരാജിന്റെ ധീരതയുടെ കഥ ലോകം മുഴുവൻ അറിയണമെന്ന് ഞാൻ ആഗ്രഹിക്കുന്നു.‘ – അദ്ദേഹം പറഞ്ഞു.
