പാലക്കാട്: അഗളിയില് വ്യൂ പോയിന്റ് കാണാനെത്തി മലയില് അകപ്പെട്ട യുവാക്കളെ രക്ഷപ്പെടുത്തി. മഴ പെയ്ത് ഇരുട്ട് മൂടിയതോടെ വഴി തെറ്റി വനത്തിൽ അകപ്പെടുകയായിരുന്നു. അഗളി മഞ്ചാചോല വ്യൂ പോയിന്റ് കാണാനെത്തിയതാണ് യുവാക്കൾ.
മലപ്പുറം മേലാറ്റൂർ സ്വദേശികളായ നാലുപേരാണ് മലയിൽ അകപ്പെട്ടത്. മഴ കനത്തതോടെ ഇരുട്ട് മൂടി വഴി തെറ്റി പോകുകയായിരുന്നു. അഗളി പൊലീസും ഫയര്ഫോഴ്സും സംഭവസ്ഥലത്തെത്തിയാണ് യുവാക്കളെ രക്ഷപ്പെടുത്തിയത്. നാലുപേർക്കെതിരെയും വനഭൂമിയിൽ അതിക്രമിച്ചുകയറിയതിന് കേസെടുത്തതായി പൊലീസ് അറിയിച്ചു.
