പത്തനംതിട്ട: നടുറോഡിൽ വാഹനം നിർത്തി ഭക്ഷണം കെഎസ്ആർടിസി ഡ്രൈവർ ഭക്ഷണം കഴിക്കാൻ പോയതായി പരാതി. പത്തനംതിട്ട കോന്നി ജംഗ്ഷനിലാണ് സംഭവം.
കഴിഞ്ഞ രാത്രിയാണ് സംഭവം. ഇടുക്കി കട്ടപ്പനയിൽ നിന്ന് പുറപ്പെട്ട ബസാണ് നടുറോഡിൽ അപകടരമായ സാഹചര്യത്തിൽ നിർത്തിയത്. പിന്നാലെ ഡ്രൈവറും യാത്രക്കാരും ഭക്ഷണം കഴിക്കാൻ പോയത്. തിരുവനന്തപുരം ഡിപ്പോയിലെ ഡ്രൈവറാണ് കട്ടപ്പന ഡിപ്പോയിലെ ബസോടിച്ചത്.
സംസ്ഥാന പാതയിലാണ് സംഭവം നടന്നത്. അപകടം പതിവാകുന്ന പാതയിലാണ് ബസ് നിർത്തിയിട്ടത്. സമീപത്തെ ഓട്ടോ ഡ്രൈവർമാർ അടക്കം അപകടം ചൂണ്ടിക്കാട്ടിയെങ്കിലും ഡ്രൈവർ വണ്ടി മാറ്റിയില്ലെന്നും പരാതി ഉയർന്നിട്ടുണ്ട്.
