വിംബിൾഡൺ ടെന്നീസ് കളിക്കാനൊരുങ്ങി ഇന്ത്യൻ താരം സുമിത് നഗാൽ. അഞ്ച് വർഷത്തിനിടെ ഇത് ആദ്യമായാണ് ഒരു ഇന്ത്യൻ താരം വിംബിൾഡണിൽ മത്സരിക്കാനൊരുങ്ങുന്നത്. 2019-ൽ പ്രജ്നേഷ് ഗുണേശ്വരൻ മത്സരിച്ചിരുന്നു. നിലവിൽ ലോക റാങ്കിംഗിൽ 94-ാം സ്ഥാനത്തുള്ള 26-കാരൻ കഴിഞ്ഞ മാസം റാങ്കിംഗിൽ 80-ാം സ്ഥാനത്തെത്തിയിരുന്നു. ചെന്നൈ ഓപ്പൺ നേടിയതിന് പിന്നാലെയായിരുന്നു ഇത്.
26 മുതൽ ജൂൺ 9 വരെയാണ് ഫ്രഞ്ച് ഓപ്പൺ. ഈ മാസം ആദ്യം നടന്ന ജനീവ ഓപ്പണിന്റെ ആദ്യ റൗണ്ടിൽ താരം തോറ്റിരുന്നു. ലോക 1-ാം നമ്പർ താരം നൊവാക് ജോക്കോവിച്ചിനൊപ്പമുള്ള ചിത്രം നഗാൽ എക്സിൽ പങ്കുവച്ചിരുന്നു. ” Solid practice before Roland Garros, thank you” എന്ന അടിക്കുറിപ്പാണ് ചിത്രത്തിനൊപ്പം പങ്കുവച്ചത്.
2018-ൽ വിംബിൾഡൺ യോഗ്യതാ റൗണ്ടിൽ നഗാൽ മത്സരിച്ചിരുന്നു. എന്നാൽ പോളണ്ടിന്റെ കാമിൽ മജ്ചർസാക്കിനോട് നേരിട്ടുള്ള സെറ്റുകൾക്ക് പരാജയപ്പെട്ടു. 2015-ൽ ആൺകുട്ടികളുടെ ജൂനിയർ വിംബിൾഡൺ ഡബിൾസ് കിരീടം നാഗൽ നേടിയിരുന്നു. വിയറ്റ്നാമീസ് താരം നാം ഹോങ് ലിയ്ക്കൊപ്പമായിരുന്നു കിരീടനേട്ടം.
