വൈവിധ്യമാർന്ന സസ്യജാലങ്ങളുടെ കലവറയാണ് നെല്ലിയാമ്പതി മലനിരകൾ. കരിമ്പനകളുടെ നാടായ പാലക്കാടിലെ നെല്ലിയാമ്പതി മിന്നാം പാറയിൽ പുതിയ ഇനം കാശിതുമ്പയെ കണ്ടെത്തിയിരിക്കുകയാണ് ഒരു സംഘം സസ്യശാസത്രജ്ഞർ. മിന്നാം പാറയിൽ നിന്ന് കണ്ടെത്തിയതിനാൽ തന്നെ Impatiens minnaparesnsis എന്നാണ് ഈ കാശി തുമ്പയ്ക്ക് പേരിട്ടിരിക്കുന്നത്. ഇംപേഷിയൻസ് ജനുസിലെ യൂണിഫ്ളോറ വിഭാഗത്തിൽ ഉൾപ്പെടുന്ന കാശിതുമ്പയാണിതെന്ന് ശാസത്രജ്ഞർ പറഞ്ഞു.
വെള്ള മുതൽ പിങ്ക് നിറത്തിലുള്ള പൂക്കളുള്ള ഈ സസ്യത്തിന് ഏകദേശം 4 മുതൽ 10 സെന്റിമീറ്റർ വരെ നീളം വയ്ക്കാൻ സാധിക്കും. സാധാരണ കാശിതുമ്പകളിൽ നിന്ന് വ്യത്യസ്തമായി ഒറ്റ പൂക്കളും ചെറുതും തടിച്ചതുമായ കായകളുമാണ് ഇവയുടെ മറ്റ് പ്രത്യേകതകൾ. 2021ൽ മിന്നാംപാറയിൽ നടത്തിയ സർവേകളിലാണ് ഇവയെ ആദ്യമായി കണ്ടെത്തിയതെന്നും തുടർന്ന് നടത്തിയ പഠനങ്ങളിൽ നിന്നാണ് ഇവ ശാസ്ത്രലോകത്തിന് പരിചിതമല്ലാത്ത ഇനം സസ്യമാണെന്ന് സ്ഥിരീകരിച്ചതെന്നും ശാസ്ത്രജ്ഞർ പറഞ്ഞു. ഇംപേഷ്യൻസ് ശശിധരണി, ഇംപേഷ്യസ് റുപിക്കോള എന്നി രണ്ട് സസ്യവർഗങ്ങളുമായി, കണ്ടെത്തിയ കാശി തുമ്പയ്ക്ക് സാമ്യമുള്ളതായും ഗവേഷകർ അറിയിച്ചു.
![Majuli [Assam], Jul 14 (ANI): Locals make their way by boats through a flood-affected area as the water level of the Subansiri River rises due to the opening of NHPC Dam gates near the Majuli-Lakhimpur border, in Majuli on Tuesday. (ANI Video Grab)](https://janamtv.com/wp-content/uploads/2026/07/20260714466l_fna7lgi-120x86.webp)
