ടി20 ലോകകപ്പിന്റെ ബ്രാൻഡ് അംബാസഡറായി ഷാഹിദ് അഫ്രീദിയെ പ്രഖ്യാപിച്ച സന്തോഷത്തിൽ തന്നെ ചൊറിഞ്ഞ പാക് മാദ്ധ്യമ പ്രവർത്തകന് മറുപടിയുമായി ഇന്ത്യൻ താരം സുരേഷ് റെയ്ന. 2011-ൽ മൊഹാലിയിൽ നടന്ന ഏകദിന ലോകകപ്പ് സെമിഫൈനൽ ഓർമ്മിപ്പിച്ചു കൊണ്ടായിരുന്നു റെയ്നയുടെ മറുപടി. അന്ന് പാകിസ്താനെ ഇന്ത്യ 29 റൺസിന് തോൽപ്പിച്ചിരുന്നു.
ഐസിസിയുടെ ബ്രാൻഡ് അംബാസഡറല്ല താൻ. വീട്ടിൽ 2011-ലെ ലോകകപ്പ് കിരീടമുണ്ട്. മൊഹാലിയിലെ മത്സരം ഓർമ്മയുണ്ടോ? നിങ്ങൾക്ക് മറക്കാനാവാത്ത ചില ഓർമ്മകൾ ഇത് തിരികെ നൽകുമെന്നാണ് പ്രതീക്ഷിക്കുന്നതെന്നാണ് റെയ്ന മറുപടി നൽകിയത്.
ജൂൺ 1ന് ടി20 ലോകകപ്പിന് തുടക്കമാകും. അമേരിക്കയും വെസ്റ്റിൻഡീസുമായാണ് കായിക മാമാങ്കത്തിന് ആതിഥേയത്വം വഹിക്കുക. 5ന് ന്യൂയോർക്കിൽ അയർലൻഡിനെതിരെയാണ് ഇന്ത്യയുടെ ആദ്യ മത്സരം. ക്രിക്കറ്റ് ആരാധകർ കാത്തിരിക്കുന്ന ഇന്ത്യ- പാക് പോരാട്ടം 9-നാണ്.