ആശുപത്രിയിൽ വൻ തീപിടിത്തം; ആറ് നവജാത ശിശുക്കൾ വെന്തു മരിച്ചു; അപകടം ഓക്സിജൻ സിലിണ്ടർ പൊട്ടിത്തെറിച്ച്?

ന്യൂഡൽ‌ഹി: ആശുപത്രിയിലുണ്ടായ തീപിടിത്തത്തിൽ ആറ് നവജാത ശിശുക്കൾക്ക് ദാരുണാന്ത്യം. കിഴക്കൻ ഡൽഹിയിലെ വിവേക് ​​വിഹാറിലെ ന്യൂ ബോൺ ബേബി കെയർ ആശുപത്രിയിലാണ് വൻ തീപിടിത്തം ഉണ്ടായത്. ​ഗുരുതരമായി പൊള്ളലേറ്റ കുഞ്ഞുങ്ങളിലൊരാൾ വെൻ്റിലേറ്ററിലും മറ്റ് അഞ്ച് പേർ ചികിത്സയിലും തുടരുകയാണ്.

ഇന്നലെ രാത്രി 11 മണിയോടെയാണ് തീപിടിത്തം ഉണ്ടായത്. ഡൽഹി അ​ഗ്നിരക്ഷാ സേനയിലെ ഒൻപത് ഫയർ ട്രക്കുകളെത്തിയാണ് തീ നിയന്ത്രണ വിധേയമാക്കിയത്. മൂന്ന് നില കെട്ടിടത്തിലാണ് തീപിടിത്തമുണ്ടായത്. രണ്ടാം നിലയിൽ തീപ്പടർന്നതോടെ ജീവനക്കാരുടെ ഇടപെടലിൽ മൂന്നാം നിലയിലുണ്ടായിരുന്ന കുട്ടികളെ  രക്ഷിക്കാൻ സാധിച്ചു.

#WATCH | Delhi: A massive fire broke out at a New Born Baby Care Hospital in Vivek Vihar

As per a Fire Officer, Fire was extinguished completely, 11-12 people were rescued and taken to hospital and further details are awaited.

(Video source – Fire Department) https://t.co/lHzou6KkHH pic.twitter.com/pE95ffjm9p

— ANI (@ANI) May 25, 2024

സമീപത്തെ കെട്ടിടങ്ങളിലേക്കും തീ പടരുന്ന സാഹചര്യമുണ്ടായിരുന്നെങ്കിലും നാട്ടുകാരുടെ ഇടപെടലിൽ വൻ ദുരന്തം ഒഴിവാക്കാൻ സാധിച്ചു. തീപിടിത്തത്തിൻ‌റെ കാരണം വ്യക്തമല്ല. രക്ഷപ്പെടുത്തിയ കുഞ്ഞുങ്ങളെ എൻഐസിയുവിലേക്ക് മാറ്റിയതായി അധികൃതർ അറിയിച്ചു.