പ്രചാരണ വേദി തകർന്നു; നിലതെറ്റി രാഹുലും സംഘവും; വീഡിയോ

പാലിഗഞ്ച് : തെരഞ്ഞെടുപ്പ് റാലിയിൽ പങ്കെടുക്കവെ കോൺഗ്രസ് നേതാവ് രാഹുൽ ഗാന്ധി കയറിയ സ്റ്റേജിന്റെ ഒരു ഭാഗം തകർന്നു. ബിഹാറിലെ പാലിഗഞ്ചിൽ തിങ്കളാഴ്‌ച്ച ഉച്ചയോടെയായിരുന്നു സംഭവം.

പാടലീപുത്ര ലോക്‌സഭാ മണ്ഡലത്തിൽ മത്സരിക്കുന്ന ആർജെഡി അധ്യക്ഷൻ ലാലു പ്രസാദിന്റെ മകൾ മിസ ഭാരതിക്ക് വേണ്ടി വോട്ടഭ്യർഥിക്കാൻ പാലിഗഞ്ചിലെത്തിയതായിരുന്നു രാഹുൽ ഗാന്ധി. വേദിയിലെത്തി മിസ ഭാരതിയോടൊപ്പം തന്റെ സീറ്റ് ലക്ഷ്യമാക്കി രാഹുൽ നടക്കുമ്പോൾ വേദിയുടെ ഒരു ഭാഗം കീഴ്പ്പോട്ട് ചായുകയായിരുന്നു. മുന്നോട്ട് നടക്കാൻ ശ്രമിച്ചപ്പോൾ വേദി വീണ്ടും ചാഞ്ഞുപോകുന്നത് വീഡിയോയിൽ കാണാം.

#WATCH | Bihar: A portion of the stage partially caves in during Rahul Gandhi’s rally in Paliganj pic.twitter.com/wQ2mZnWgCH

— ANI (@ANI) May 27, 2024

നിലതെറ്റിയ രാഹുലിനെ മിസ ഭാരതി കയ്യിൽ പിടിക്കുന്നതും സുരക്ഷാ ഉദ്യോഗസ്ഥരുടെ സഹായം രാഹുൽ നിരസിക്കുന്നതും ദൃശ്യങ്ങളിലുണ്ട്.