വ്യോമസേനയിൽ കമ്മീഷൻഡ് ഓഫീസ‌ർ ആകാം; നൂറുകണക്കിന് ‌ഒഴിവ്, വനിതകൾക്കും അവസരം

വ്യോമസേനയിൽ കമ്മിഷൻഡ് ഓഫീസ‌ർമാരെ തെരഞ്ഞെടുക്കുന്നതിനായി നടത്തുന്ന എയർഫോഴ്സ് കോമൺ അഡ്മിഷൻ ടെസ്റ്റിന് (AFCAT-02/2024) വിജ്ഞാപനം പ്രസിദ്ധീകരിച്ചു.

ഫ്ലയിം​ഗ്, ​ഗ്രൗണ്ട് ‍ഡ്യൂട്ടി (ടെക്നിക്കൽ), ​ഗ്രൗണ്ട് ഡ്യൂട്ടി (നോൺ ടെക്നിക്കൽ) ബ്രാഞ്ചുകളിലേക്കാണ് തിരഞ്ഞെടുപ്പ്. ഫ്ലയിം​ഗ് ബ്രാഞ്ചിലേക്കുള്ള എൻസിസി സ്പെഷ്യൽ എൻട്രിക്കും ഇതോടൊപ്പം അപേക്ഷിക്കാം. 304 ഒഴിവിലേക്കാണ് വിജ്ഞാപനം. 67 ഒഴിവ് വനികൾക്കാണ്. ബിരുദധാരികൾക്ക് അപേക്ഷിക്കാവുന്നതാണ്.

2025 ജൂലൈ ഒന്നിന് 20-24 വയസ്, ​ഗ്രൗണ്ട് ഡ്യൂട്ടി (ടെക്നിക്കൽ‌, നോൺ‌ ടെക്നിക്കൽ) ബ്രാഞ്ചിലേക്ക് 2025 ജൂലൈ ഒന്നിന് 20-26 വയസ്. അപേക്ഷകർ അവിവാഹിതരായിരിക്കണം. ട്രെയിനിം​ഗ് കാലത്തും വിവാഹം അനുവദിക്കില്ല. അപേക്ഷകർ‌ക്ക് നിർദ്ദിഷ്ട ശാരീരിക യോ​ഗ്യതകളും ഉണ്ടായിരിക്കണം.

എൻസിസി, സ്പെഷ്യൽ എൻട്രികൾക്ക് അപേക്ഷിക്കുന്നവർക്ക് അപേക്ഷ ഫീസില്ല. മറ്റുള്ളവർ 550 രൂപയും ജിഎസ്ടിയും ഫീസ് ഇനത്തിലടയ്‌ക്കണം. കൂടുതൽ വിവരങ്ങൾക്ക് careerindianairforce.cdac.in, afcat.cdac.in എന്നീ വെസൈറ്റുകൾ സന്ദർശിക്കുക. മേയ് 30 ആണ് അവസാന തീയതി.