റേഞ്ച് റോവര്, റേഞ്ച് റോവര് സ്പോര്ട് എസ് യു വികള് ഇന്ത്യയില് അസംബിള് ചെയ്യുമെന്ന് ജാഗ്വാര് ലാന്ഡ് റോവര് . ബ്രിട്ടന് പുറത്ത് ആദ്യമായാണ് ഈ രണ്ട് എസ്യുവികള് ജാഗ്വാര് ലാന്ഡ് റോവര് ഒരു രാജ്യത്ത് അസംബിള് ചെയ്യുന്നത് . പൂനെയിലാണ് ആഡംബര എസ്യുവികളുടെ നിർമ്മാണം ആരംഭിക്കുക . മെയ്ക്ക് ഇൻ ഇന്ത്യയ്ക്ക് ലഭിക്കുന്ന ഏറ്റവും വലിയ നേട്ടമാണിത് . ഇതോടെ ഈ രണ്ട് റേഞ്ച് റോവര് കാറുകള്ക്കു വിലയില് വലിയ തോതില് കുറവു വരും.
“ഞങ്ങൾ ഈ നിമിഷത്തിൽ അവിശ്വസനീയമാംവിധം അഭിമാനിക്കുന്നു . കഴിഞ്ഞ വർഷം ഇന്ത്യയിൽ റേഞ്ച് റോവർ ബ്രാൻഡിന് ഞങ്ങൾ മികച്ച വളർച്ച നേടിയിട്ടുണ്ട്, പ്രാദേശിക ഉൽപ്പാദനത്തിൽ, വളർച്ച തുടരുമെന്ന് ഞങ്ങൾ പ്രതീക്ഷിക്കുന്നു. ഇവിടെയുള്ള ഞങ്ങളുടെ ഉപഭോക്താക്കളിൽ നിന്ന് ഞങ്ങൾ കണ്ട ആവശ്യത്തോട് ഞങ്ങൾ പ്രതികരിക്കുന്നു.“ എന്നാണ് ജാഗ്വാർ ലാൻഡ് റോവറിലെ ഗ്ലോബൽ മാനേജിംഗ് ഡയറക്ടർ ജെറാൾഡിൻ ഇംഗം പറയുന്നത് .
നിലവിൽ 3.0 ലീറ്റര് ഡീസല് എച്ച്എസ്ഇ എല്ഡബ്ല്യുബി റേഞ്ച് റോവറിന് 2.36 കോടി രൂപയാണ് വില . ഇന്ത്യയിൽ നിർമ്മാണം, ആരംഭിക്കുന്നതോടെ വിലയിൽ 44 ലക്ഷം രൂപ കുറയും. 1.40 കോടി രൂപ വിലയുള്ള റേഞ്ച് റോവര് സ്പോര്ട് 3.0 ലീറ്റര് ഡീസല് ഡൈനാമിക് എസ്ഇയുടെ വില 29 ലക്ഷം രൂപയാണ് കുറയുക.
ബ്രാൻഡിന്റെ ഒരു വലിയ നാഴികക്കല്ലാണ് ഏറെ റേഞ്ച് റോവർ ഇലക്ട്രിക്ക് എന്നും ഇംഗാം പറഞ്ഞു . ജാഗ്വാര് ലാന്ഡ് റോവറിന്റെ 2024 സാമ്പത്തിക വര്ഷം ഏറ്റവും കൂടുതല് വിറ്റഴിഞ്ഞ മോഡലായ ഡിഫെന്ഡര് ഇന്ത്യയില് അസംബ്ലിങ് ആരംഭിച്ചിട്ടില്ല. 2024 സാമ്പത്തിക വര്ഷം 1,314 ഡിഫെന്ഡറുകളാണ് വിറ്റത്. ഡിഫെന്ഡര് പൂര്ണമായും ഇറക്കുമതി ചെയ്യുന്ന വാഹനമായി തുടരും. 2011ലാണ് ജെഎല്ആര് ആദ്യമായി ഇന്ത്യയില് അസംബ്ലിങ് ആരംഭിച്ചത്.