9-ാം ടി20 ലോകകപ്പിനാണ് ക്രിക്കറ്റ് ലോകം സാക്ഷ്യം വഹിക്കാനൊരുങ്ങുന്നത്. ബാറ്റിംഗിലും ബൗളിംഗിലുമെല്ലാം താരങ്ങൾ മികച്ച പ്രകടനം കാഴ്ച വയ്ക്കുമ്പോൾ ഇതുവരെയുള്ള ലോകകപ്പ് പതിപ്പുകളിലെ റൺവേട്ടക്കാരുടെ പട്ടികയിലെ ആദ്യ അഞ്ച് സ്ഥാനക്കാർ ആരൊക്കെയെന്ന് നോക്കാം…
വിരാട് കോലി
ടി20 ലോകകപ്പിൽ ഏറ്റവും കൂടുതൽ റൺസ് നേടിയ റെക്കോർഡ് വിരാട് കോലിക്ക് സ്വന്തമാണ്. 2012 മുതൽ 2022 വരെയുള്ള ലോകകകപ്പുകളിലെ 27 മത്സരങ്ങളിൽ നിന്ന് 81.5 ശരാശരിയിൽ 1,141 റൺസാണ് താരം നേടിയത്. ടൂർണമെന്റിൽ സെഞ്ച്വറികൾ നേടിയിട്ടില്ലെങ്കിലും 14 അർദ്ധ സെഞ്ച്വറികളും താരത്തിന്റെ ഇന്നിംഗ്സിൽ ഉൾപ്പെടുന്നു.
മഹേല ജയവർദ്ധന
റൺവേട്ടക്കാരുടെ പട്ടികയിൽ ശ്രീലങ്കയുടെ മഹേല ജയവർദ്ധനയാണ് രണ്ടാമതുള്ളത്. 31 മത്സരങ്ങളിൽ നിന്ന് 39 ശരാശരിയിൽ 1016 റൺസാണ് താരം നേടിയത്.
ക്രിസ് ഗെയ്ൽ
കരിബീയൻ പവർ ഹൗസിന്റെ ബാറ്റിൽ നിന്ന് പിറന്നത് 965 റൺസാണ്. 33 മത്സരങ്ങളിൽ നിന്നാണിത്. രണ്ട് സെഞ്ച്വറികളും ഏഴ് അർദ്ധ സെഞ്ച്വറികളും ഉൾപ്പെടുന്നു. ലോകകപ്പിൽ ഏറ്റവും കൂടുതൽ (63) സിക്സറുകൾ നേടിയതും താരമാണ്.
രോഹിത് ശർമ്മ
ടി20 ലോകകപ്പിലെ അപൂർവ്വ നേട്ടത്തിന് ഉടമയാകുകയാണ് ഇന്ത്യൻ നായകൻ രോഹിത് ശർമ്മ. കഴിഞ്ഞ എട്ട് ലോകകപ്പിലും കളിച്ച താരം 9-ാം ലോകകപ്പിന് ഒരുങ്ങുകയാണ്. ഇതുവരെ 39 മത്സരങ്ങളിലാണ് താരം പാഡണിഞ്ഞിട്ടുള്ളത്. 963 റൺസാണ് നേടിയിട്ടുള്ളത്.
തിലകരത്നെ ദിൽഷൻ
2007 മുതൽ 2016 വരെയുള്ള ആറ് ലോകകപ്പുകളിൽ നിന്നായി 897 റൺസാണ് താരം നേടിയത്. ഇതിൽ ആറ് അർദ്ധ സെഞ്ച്വറികളും ഉൾപ്പെടുന്നു,
