പ്രേമലു എന്ന ഹിറ്റ് സിനിമയിലൂടെ തെന്നിന്ത്യൻ ലോകത്ത് ശ്രദ്ധപിടിച്ചു പറ്റിയ താരമാണ് മമിത ബൈജു. താരത്തെ ആരാധകർ പൊതിയുന്ന വീഡിയോയാണ് സമൂഹമാദ്ധ്യമങ്ങളിൽ കഴിഞ്ഞ ദിവസം മുതൽ നിറയുന്നത്. ചെന്നൈയിലെ ഒരു മാളിൽ ഉദ്ഘാടനത്തിനെത്തിയ നടിയെ കാണാൻ തടിച്ചു കൂടുന്ന ആരാധകരെയാണ് വീഡിയോയിൽ കാണുന്നത്.
മാളിൽ ഒരു കടയുടെ ഉദ്ഘാടത്തിനായാണ് മമിത എത്തിയത്. നടി എത്തിയതറിഞ്ഞ് ആരാധകർ തടിച്ച് കൂടുകയായിരുന്നു. ആരാധകരുടെ തിരക്കിൽപ്പെട്ട മമിതയെ സെക്യൂരിറ്റി ജീവനക്കാരാണ് പുറത്തെത്തിച്ചത്. തിരക്കിനിടയിൽപ്പെട്ട് നിൽക്കുന്ന മമിതയെയും വീഡിയോയിൽ കാണാം. ഒടുവിൽ, സെക്യൂരിറ്റി ജീവനക്കാർ ആൾക്കൂട്ടത്തെ തള്ളി മാറ്റിയാണ് താരത്തിന് കടന്നു പോകാനുള്ള വഴിയൊരുക്കിയത്.
പ്രേമലു ഹിറ്റായതോടെ തമിഴിലും തിരക്കേറിയ നടിയായി മാറിയിരിക്കുകയാണ് മമിത. ജി.വി പ്രകാശിനൊപ്പം റിബൽ എന്ന ചിത്രത്തിലൂടെ തമിഴിലും അരങ്ങേറ്റം കുറിച്ചിരിക്കുകയാണ്. നിലവിൽ, വിഷ്ണു വിശാൽ, പ്രദീപ് രംഗനാഥൻ എന്നിവരോടൊപ്പം പുതിയ ചിത്രത്തിൽ അഭിനയിക്കുകയാണ്.
Mamitha got scared after the rush @ chennai! 🙄🤯 pic.twitter.com/6XHaQfJt5Q
— Kαмαℓ ツ (@KamalOfcl) June 2, 2024
