ക്യാപ്സൂളുകളുടെ പുറംപാളി പ്ലാസ്റ്റിക് കൊണ്ട് നിർമിച്ചതാണോ എന്ന സംശയം മിക്കവർക്കുമുണ്ട്. തൊണ്ട തൊടാതെ വിഴുങ്ങാനും ഒപ്പം കൃത്യമായ അളവിൽ മരുന്ന് ഉള്ളിലെത്തിക്കാനുമാണ് ക്യാപ്സൂളുകൾ ഇത്തരത്തിൽ നിർമിച്ചിരിക്കുന്നത്.
ക്യാപ്സൂളുകളുടെ പുറംപാളി പ്ലാസ്റ്റിക് പോലെ തോന്നുമെങ്കിലും യഥാർത്ഥത്തിൽ ഇത് ജലാറ്റിൻ ആണ്. ജലത്തിൽ ലയിക്കുന്ന പ്രൊട്ടിനാണ് ജലാറ്റിനുകൾ. വയറ്റിൽ എത്തുന്നതോടെ മറ്റേതോരു ഭക്ഷണത്തേയും പോലെ ശരീരം ആഗിരണം ചെയ്യുന്നു. പൊതുവേ ജലാറ്റിൻ അപകടകാരികളല്ല.
ക്യാപ്സൂളുകൾ ടാബ്ലെറ്റുകളേക്കാൾ വേഗത്തിൽ അലിഞ്ഞ് പോകുന്നതിനാൽ പെട്ടെന്ന് ശരീരത്തന് ഗുണം ചെയ്യും. ഒന്നിലധികം ഔഷധ ഘടകങ്ങൾ ഒരു ഡോസിലേക്ക് സംയോജിപ്പിക്കാമെന്നതും ഇതിന്റ സവിശേഷതയാണ്.
ക്യാപ്സൂളുകൾ പൊട്ടിച്ച് ഉപയോഗിക്കരുതെന്നാണ് ഡോക്ടർമാരുടെ അഭിപ്രായം. പൊട്ടിക്കുന്നതോടെ അതിന്റെ ഔഷധഗുണം നഷ്ടപ്പെടും. ഗുളികകളെ അപേക്ഷിച്ച് നോക്കുമ്പോൾ ക്യാപ്സൂളുകൾ പെട്ടെന്ന് ചീത്തയാകും. ഈർപ്പം, അന്തരീക്ഷ ഉഷ്മാവ് എന്നിവയോട് പെട്ടെന്ന് പ്രതീകരിക്കുന്നവയാണ് ഇവ.
