ഇന്തോനേഷ്യ ഒപ്പണിലും കാലിടറി ഇന്ത്യയുടെ ഒളിമ്പിക്സ് താരം പിവി സിന്ധു. ചൈനീസ് തായ്പേയിയുടെ ഹ്സു വെൻ ചിയോട് നേരിട്ടുള്ള സെറ്റുകൾക്ക് തോറ്റ് പുറത്താവുകയായിരുന്നു. ആദ്യ സെറ്റ് നഷ്ടപ്പെടുത്തിയ ഇന്ത്യൻ താരം രണ്ടാം സെറ്റ് നേടിയെങ്കിലും മൂന്നാം സെറ്റിൽ തായ്പേയ് താരത്തിന്റെ ആക്രമണം ചെറുക്കാനായില്ല.
സൂപ്പർ 1000 ടൂർണമെന്റിൽ ആദ്യ റൗണ്ടിലുണ്ടായ തിരിച്ചടി മുൻ ലോകചാമ്പ്യന് നൽകുന്നത് വലിയ വെല്ലുവിളികളാണ്. കരിയറിലെ ഏറ്റവും മോശം ഫോമിലൂടെയാണ് സിന്ധു നിലവിൽ കടന്നു പോകുന്നത്.
വനിതാ സിംഗിൾസിൽ 15-21,21-15,14-21 എന്ന സ്കോറിനാണ് തായ്പേയ് താരത്തോട് അടിയറവ് പറഞ്ഞത്. അവരുടെ ആദ്യ വിജയമാണിത്. ഒരു മണിക്കൂറും പത്തും മിനിട്ടുമാണ് പോരാട്ടം നീണ്ടത്. കഴിഞ്ഞ വർഷം രണ്ടാം റൗണ്ടിലാണ് ഇതേ ടൂർണമെന്റിൽ സിന്ധു പുറത്തായത്.
