ചെന്നൈ: തമിഴ് നടനും ഗായകനുമായ പ്രേംജി അമരൻ വിവാഹിതനായി. സേലം സ്വദേശിനിയായ ഇന്ദുവാണ് വധു. തിരുത്തുനി മുരുകൻ ക്ഷേത്രത്തിൽ വച്ച് അടുത്ത ബന്ധുക്കളുടെ സാന്നിധ്യത്തിലായിരുന്നു ഇരുവരും വിവാഹിതരായത്. ഇതിന്റെ ചിത്രങ്ങൾ സമൂഹമാദ്ധ്യമങ്ങളിൽ വൈറലായി.
തമിഴിലെ പ്രമുഖ സംവിധായകനും ഗാന രചയിതാവുമായ ഗംഗെ അമരന്റെ മകനാണ് പ്രേംജി. പ്രശസ്ത സംവിധായകൻ വെങ്കിട്ട് പ്രഭുവാണ് ഇദ്ദേഹത്തിന്റെ സഹോദരൻ. നവദമ്പതികളുടെ ചിത്രങ്ങൾ വെങ്കിട്ട് പ്രഭുവും തന്റെ ഇൻസ്റ്റഗ്രാം പേജിലൂടെ പങ്കുവച്ചിട്ടുണ്ട്.
വെങ്കിട്ട് പ്രഭു സംവിധാനം ചെയ്യുന്ന ദ ഗോട്ട് എന്ന സിനിമയിലാണ് പ്രേംജി ഇപ്പോൾ അഭിനയിക്കുന്നത്. വിജയ് നായകനായി എത്തുന്ന സിനിമയാണ് ദ ഗോട്ട്. മങ്കാത്ത, ഗോവ തുടങ്ങിയ ഒട്ടനവധി ചിത്രങ്ങളിലും അദ്ദേഹം അഭിനയിച്ചിട്ടുണ്ട്.
